भारतसँग ६ विकेटले पराजित भयो नेपाल

219 पटक पढिएको

काठमाडौं, पुस १ । एसिया कप क्रिकेटमा नेपाल भारतसँग ६ विकेटले पराजित भएको छ । टस जितेर पहिले ब्याटिङ गरेको नेपालले दिएको १ सय ७३ रनको लक्ष्य भारतले ३३ ओभर ३ बलमा ४ विकेट गुमाएर पूरा गरेको हो ।

भारतका हिमांशु रानाले ६१ बलमा ५१ रन, शुबमान गिलले ६३ बलमा ५७ रन, प्रियम रागले ४२ बलमा ३६ रन बनाए । नेपालका पवन सर्राफले तीन र सन्दिप लामिछानेले एक विकेट लिए ।

यसअघि ब्याटिङ गरेको नेपालले नौ विकेट गुमाएर १ सय ७२ रन बनाएको थियो । नेपालका लागि रोहित कुमार पौडेलले सर्वाधिक ६८ रन बनाए । पाली सम्हालेर खेलेका रोहितले ९३ बलमा ६८ रन बनाएका हुन् । उनले ७ चौका र २ छक्का हाने । त्यस्तै दीपेन्द्रसिंह ऐरीले ३४ रन बनाए । उनले ६२ बलमा ४ चौकाको मदतमा ३४ रन बनाएका हुन् । त्यस्तै आरिफ सेखले ३२ बलमा १८ रन, प्रकाश केशीले १८ बलमा १३ रन, शुभाङ्कर उरावले ७ बलमा ९ रन, सन्दिप सुनारले ३५ बलमा ७ रन, पवन सरार्फले १७ बलमा २ रन बनाए ।

भारतका लागि राहुल चाहारले पाँच विकेट लिए । कमलेस नगरकोटी, एस ठाकुर, आयुष जमवाल र हिमान्सु रानाले एकरएक विकेट लिए । नेपाल पहिलो खेलमा श्रीलंकासँग एक रनले पराजित भएको थियो । नेपाल एक खेल अघि नै समूह चरणबाट बाहिरिएको छ । अब नेपालले आइतबार मलेसियासँग खेल्नेछ ।

कमेन्ट गर्नुहोस्

सम्बन्धित् समाचार  यु–१९ क्रिकेट : भारत र बंगलादेश बीचको खेलले नेपालको भविष्य हातमा