संसदको लेखा समितिमा एमालेको बार्गेनिङ, विवादका कारण सभापति चयन कार्यक्रम स्थगित

काठमाडौं, पुष २७ । व्यवस्थापिका संसद अन्तर्गत सार्वजनिक लेखा समितिका सभापतिको निर्वाचन कार्यक्रम स्थगित भएको छ ।

नेकपा एमालेका सांसदहरुले सभापति चयन प्रक्रिया पारदर्शी नभएको आरोप लगाएपछि विवाद सिर्जना भएको हो । विवादका कारण आज बुधबार चयन हुने भनिएको प्रक्रिया अवरुद्ध भएको छ । एमालेले निर्वाचन कार्यक्रम तय भएपछि सभामुख ओनसरी घर्तीले सदस्य थप गरेको भन्दै आपत्ती जनाएपछि आजको कार्यक्रम स्थगित गरिएको हो ।

समितिमा नेपाली कांग्रेसका तर्फबाट धु्रव वाग्ले थपिएका थिए । यद्यपी संख्यात्मक आधारमा हेर्दा सदस्य थपिएपनि त्यसले निर्वाचनको परिणामलाई भने कुनै असर पर्ने देखिन्न । समितिमा एमाले सांसदको संख्या एक तिहाई समेत छैन । कूल ५१ ५१ सदस्य मध्ये एमालेका १५ जना छन् ।

कतिपयले एमालेको यो आपत्री सभापतिमा आफ्नो दावीका लागि बार्गेनिङ गर्नुका अर्थमा समेत लिएका छन् ।

कमेन्ट गर्नुहोस्

error: Content is protected !!