६ अर्बको विकास ऋणपत्रको बिक्री सुरु, अब सर्वसाधारणले पनि खरिद गर्न पाइने

काठमाडौं, कार्तिक १२ । नेपाल राष्ट्र बैंकले आइतबारबाट ६ अर्ब रुपैयाँ बराबरको विकास ऋणपत्र बिक्री सुरु गरेको छ। सात वर्षे अवधिको उक्त ऋणपत्र २०८१ सालमा परिपक्व हुनेछ।

विकास ऋणपत्रको ब्याज दर बोलकबोल माध्यबाट निर्धारण हुने छ। सर्वसाधारण नेपालीले समेत खरीद गर्न पाउने विकास ऋणपत्रमा बैंक तथा वित्तीय संस्था, गैरबैंक तथा वित्तीय संस्था, बीमा कम्पनी र संगठित संस्थाले पनि सहभागिता जनाउन पाउने छन् । घटीमा ५० हजार र बढीमा निष्काशित रकम बराबरको आवेदन दिन पाइन्छ।

ऋणपत्रको साँवा भुक्तानी २०८१ साल कात्तिक ६ गते हुने छ। ऋणपत्र नेपाल स्टक एक्सचेञ्जमा समेत सुचिकृत हुन्छ।

बैंकिङखबरबाट साभार

कमेन्ट गर्नुहोस्