प्रचण्डकाे सरप्राइज: निकुञ्ज भएर जाँदा लाग्ने शुल्क हटाउने निर्णय कार्यान्वयन

156 पटक पढिएको

चितवन, कात्तिक २५ । गृहजिल्लाबाट प्रतिनिधिसभा सदस्य चुनाव लड्न लागेका नेकपा माओवादी केन्द्रका अध्यक्ष पुष्पकमल दाहाल प्रचण्डको सरप्राइज ‘निकुञ्ज भएर जाँदा लाग्ने शुल्क हटाउने निर्णय कार्यान्वयन भएकाे छ ।

पुर्व प्रधानमन्त्री समेत रहेका प्रचण्डको  पहलमा माडीबासीले वाटो प्रयोग गरेबापत राष्ट्रिय निकुञ्जलाई तिर्दै आएको विभेदकारी करबाट मुक्त भएका हुन ।

सोमबार बसेको मन्त्रिपरिषदको बैठकले गरेको निर्णय शुक्रबार बेलुका साढे चार बजेदेखि कार्यान्वयनमा आएको चितवन राष्ट्रिय निकुञ्जका प्रमुख संरक्षण अधिकृत रामचन्द्र कँडेलले जानकारी दिए ।

सरकारको निकुञ्ज विभागको पत्र प्राप्त भएसँगै निकुञ्जका कर्मचारी र निकुञ्ज सुरक्षार्थ खटिएको बटुकदल गणका प्रतिनिधिको उपस्थितिमा राप्ति पुल नजिकै शुल्क हटाइएको घोषणा गरिएको हो । यो समयमा माडीतर्फ जाने गाडीलाई स्वागत गरी बिदाइ गरिएको कँडेलले बताए  ।

निकुञ्जले हुलाकी सडक हँुदै माडी जाने सवारीका लागि राप्ति पुल नजिकै, माडी क्षेत्रबाट भरतपुरतर्फ आउनेका लागि वनकट्ठामा र ठोरीतर्फ जाने गाडीका लागि बगइमा राजश्व लिँदै आएको थियो ।

यो निर्णय कार्यान्वयन अघि भरतपुरबाट निकुञ्ज आवतजावत गर्नका लागि मोटरसाइकल, बयल गाडा र टाँगाको ११ रुपैयाँ ३० पैसा कर तिर्दै आएका थिए भने बस, कार, जिप, ट्र्याक्टर, लरी लगायतका पाँच टनसम्मका सवारीसाधनले रु ५७ कर तिर्ने गरेका थिए । खुला पैसाको अभावमा सवारीसाधनबाट सानाले १५ रुपैयाँ र ठूलाले ६० रुपैयाँ तिर्न बाध्य हुनुपरेको थियो ।

चितवन राष्ट्रिय निकुञ्जको प्रस्ताव र निकुञ्ज विभागको सिफारिशमा मन्त्रिपरिषदबाट यो निर्णय भएको प्रमुख संरक्षण अधिकृत कँडेलले बताए । अर्थ मन्त्रालय र कानून मन्त्रालयको सकारात्मक रायपछि मन्त्रिपरिषद्ले सो निर्णय गरेको हाे ।

यो सडक हुँदै आवतजावत हुने सवारीसाधनले वार्षिकरुपमा ३६ लाख रुपैयाँ हाराहारी राजश्व बुझाउने गरेका थिए । राजश्वभन्दा ठूलो यस क्षेत्रका जनता हुने भएकाले यो निर्णयसँगै मध्यवर्तीका बासिन्दासँग निकुञ्जको सम्बन्ध अरु सुमधुर हुने विश्वास लिइएकाे छ ।

सम्बन्धित् समाचार  झन्डै डेढ हजारले लिए उम्मेदवारी फिर्ता (जिल्लाको सूचिसहित)

गृहजिल्लाबाट प्रतिनिधिसभा सदस्य चुनाव लड्न लागेका प्रचण्डले माडीबासीलार्इ आफ्नै सदरमुकाम भरतपुरबाट घर (माडी) जादाँ र घरबाट सदरमुकाम जादाँ राजस्व तिर्नु पर्ने (११रुपैया ७० पैसा ) बिभेदकारी नियमबाट मुक्ति दिलाइदिएका हुन् ।

याे पनि पढाैँ 

प्रचण्डले बाचा गरेको ७२ घण्टाभित्रै माडीबासी निकुञ्जको करबाट मुक्त

कमेन्ट गर्नुहोस्