फ्रान्सेली बहुराष्ट्रिय कम्पनीले रामदेवको पतंजलि ऊध्योगमा लगानी गर्ने

पुस २७, नयाँ दिल्ली (भारत) । फ्रान्सेली बहुराष्ट्रिय लक्जरी गुड्ज निर्माता कम्पनी एलभीएमएचले पतञ्जली आयुर्वेद लिमिटेडमा लगानी गर्ने इच्छा देखाएको छ ।

‘लगानीको कुनै मोडल पत्ता लगाउन पाए बाबा रामदेवको कम्पनीसँग मिलेर काम गर्न हामी निकै खुशी हुने थियौ’ एल क्याटर्टन एशियाका व्यवस्थापक साझेदार रवि थाकरणले भने । एल क्याटर्टन एलभीएमएचको स्वामित्वमा रहेको निजी इक्विटी कोष हो ।

रामदेवले भने विदेशी कम्पनी र लगानिको विरोध गर्ने गरेका छन ।

पतञ्जली आयुर्वेदको हिस्सा किन्न पाए ५० करोड डलरसम्म लगानी गर्न तयार रहेको कोषले बताएको छ । हालैका केही वर्षमै पतञ्जली आयुर्वेदले भारतमा बलियो स्थान बनाइसकेका ठूला र बहुराष्ट्रिय एफएमसीजी कम्पनीलाई उछिनेर सबैभन्दा ठूलो एफएमसीजी कम्पनी बनेको छ । कम्पनीको यस सफलताले हिन्दुस्तान यूनिलिभर, कोलगेट पाल्मोलिभ र डाबर जस्ता बहुराष्ट्रिय र स्थानीय प्रतिस्पर्धीहरु समेत आप्mनै आयुर्वेदिक पोर्टफोलियो विस्तार गर्न बाध्य बनेका थिए ।

पतञ्जलीसँग विश्व बजारमा जान र टिक्न सक्ने सम्भावना समेत भएकोमा थाकरणले जोड दिएका छन् । यसले अमेरिका, जापान, चीन, दक्षिण कोरिया र यूरोपेली बजारमा समेत आप्mना उत्पादन बेच्न सक्ने र यसका लागि एल काटर्टन समूहले कम्पनीलाई मद्दत गर्न सक्ने उनको भनाई छ । पतञ्जलीलाई व्यवसाय विस्तारका लागि रकम चाहिएको भएपनि कम्पनीमा हिस्सा किन्न एल काटर्टनका लागि सम्भव भने छैन ।

कम्पनीका कार्यकारी अधिकृत आचार्य बालकृष्णले पनि कम्पनीले इक्विटी डिल्यूट गर्न नखोजेको तर ५० अर्ब रुपया बराबरको कर्जा भारुमा बैङ्कहरुले दिने भन्दा थोरै ब्याजदमा चाहिएको बताएका थिए । यसका लागि शेयर कसैलाई पनि नबेचिनेमा बालकृष्णले जोड दिएका छन् । यद्यपि, एल काटर्टनसँग वार्ता गर्न आपूm तयार रहेको उनले बताएका छन् ।

एल काटर्टन एशियासँग करीब १ अर्ब २५ करोड डलर बराबरको कोष छ । यसले प्रति कम्पनी १० करोडदेखि २० करोड मात्रै लगानी गर्ने गरेको छ । तर पतञ्जलीमा भने ५० करोडसम्म लगानी गर्न कम्पनी तयार देखिएको छ । पतञ्जलीको वर्तमान बजार पूँजीकरण ५ अर्ब डलरसम्म हुन सक्ने अनुमान एल काटर्टनले गरेको छ । एजेन्सी

कमेन्ट गर्नुहोस्