विद्युत् चोरीको आरोपमा छ जना पक्राउ

दाङ, पुस २८ । विद्युत् चोरीको आरोपमा छ व्यक्तिलाई पक्राउ गरिएको छ ।

नेपाल विद्युत् प्राधिकरण तुलसीपुरका प्रमुख दीपक चौधरीले हुकमार्फत मुख्य तारबाट बिजुली चोरेर घरमा बालेको आरोपमा दंङ्गिशरण गाउँपालिका–२ बस्ने ६० वर्षीय काभोलबहादुर विक, ४८ वर्षीय कुलबहादुर नेपाली, २७ वर्षीय सूर्यबहादुर चौधरीलाई पक्राउ गरिएको हो ।

त्यसैगरी, पक्राउ पर्ने अन्यमा १६ वर्षीय सुरज विक र ६३ वर्षीय पिमलाल नेपाली र बबई गाउँपालिका–७ बस्ने ३० वर्षीय प्रकाश नेपालीलाई रहेका छन् ।

उनीहरुलाई इलाका प्रहरी कार्यालय तुलसीपुरको सहयोगमा गए राति घरबाट पक्राउ गरिएको र हाल इलाका प्रहरी कार्यालय तुलसीपुरको नियन्त्रणमा राखिएको बताइएको छ ।

कमेन्ट गर्नुहोस्

error: Content is protected !!