रेणु दाहाल नेतृत्वको महानगरमा प्रथम मेयर कप महिला भलिवल प्रतियोगिता हुँदै

चितवन, माघ १२ । चितवनमा ‘प्रथम मेयर कप राष्ट्रिय महिला भलिवल प्रतियोगिता’ हुने भएको छ । भरतपुर महानगरपालिका वडा नं.२२ को आयोजनामा यही माघ २७ गतेदेखि फागुन १ गतेसम्म आधारभुत विद्यालय धनौजीको खेलमैदानमा प्रतियोगिता आयोजना हुन लागेको हो ।

प्रतियोगिताको पूर्व प्रधानमन्त्री एवंम नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले समुद्घाटन गर्ने कार्यक्रम तय भएको मुल आयोजक समितिका संयोजक तथा वडा अध्यक्ष विष्णुराज महतोले जानकारी दिए ।

उनले प्रतियोगिता तयारी अहिले तिव्र पारिएको बताए ।

प्रतियोगिता सम्पन्न गर्न विभिन्न १६ वटा उपसमितिहरु गठन गरिएको अध्यक्ष महतोले जानकारी दिए ।

प्रतियोगितामा विभागिय टोली शसस्त्र प्रहरीको एपिएफ क्लव, नेपाल पुलिस क्लव, त्रिभुवन आर्मी क्लव, पश्चिमाञ्चल, न्यू डायमण्ड एकेडेमी र भारतको एक टिम गरि ६ टिमको सहभागिता रहने प्रचार–प्रसार उपसमितिका संयोजक रामहरि सेढाईले जानकारी दिए ।

प्रतियोगिताका विजेताले २ लाख रुपैयाँ, ट्रफी, मेडल र प्रमाण पत्र, उपविजेताले एक लाख रुपैयाँ ट्रफी, मेडल र प्रमाण पत्र, तृतीय हुने टिमले ५० हजार रुपैयाँ ट्रफी, मेडल र प्रमाण पत्र र सान्त्वना हुने टिमले २५ हजार ट्रफी, मेडल र प्रमाण पत्र प्राप्त गर्नेछन् ।

सम्बन्धित् समाचार  मेरुदण्ड पीडित बम्जनलाइ तामाङ घेदुङ इजरायलबाट आर्थिक सहयोग।

यस्तै प्रतियोगिताको उत्कृष्ट खेलाडीले नगद १० हजार रुपैयाँ प्राप्त गर्नेछ भने अन्य विभिन्न चार विद्यामा उत्कृष्ट हुने खेलाडीले पाँच हजार रुपैयाँ पुरस्कार पाउने आयोजकले जनाएको छ । प्रतियोगिता लिगकम नकआउटको आधारमा खेलाईने छ । प्रतियोगिता सम्पन्न गर्न २५ लाख रुपैयाँ खर्च लाग्ने आयोजकले जनाएको छ ।

चितवनमा महिलाहरुको पहिलो पटक राष्ट्रिय प्रतियोगिता आयोजना हुन लागेको हो । यसअघि पदमोदय युवा क्लवले पटिहानीमा नै राष्ट्रिय तथा अन्तराष्ट्रिय स्तरको पुरुष भलिवल प्रतियोगिताहरु गरि सकेको छ ।

कमेन्ट गर्नुहोस्

%d bloggers like this: