विद्यार्थी हत्याको आरोपमा प्रअ रोकाया पक्राऊ

हुम्ला । एसइई परीक्षाको तयारी गरिरहेकी १७ वर्षीय सिचुडोमा लामाको हत्या आरोपमा प्रधानाध्यापक धनलाल रोकायालाई प्रहरीले पक्राउ गरेको छ ।

बुधबार बिहान ९ बजे हुम्ला जाने क्रममा सुर्खेत विमानस्थलबाट रोकायालाई पक्राउ गरेको प्रहरीले जनाएको छ ।

हुम्ला महावौद्ध विद्यालयमा एसईइको तयारीका लागि ट्युसन पढन विद्यालयमा बस्दै आएकी नाम्खा गाँऊपालिका ५ तुम्कोटकी १७ वर्षीय सिचुडोमा लामाको रहस्य मृत्यु भएको भन्दै उनका परिवारले छानविनको माग लागि जिल्ला प्रहरी कार्यालय हुम्लामा जाहेरी दर्ता गराएका थिए ।

मृतक सिचुडोमा लामा
माघ ७ मा विद्यालयमा अचानक बेहोस भएकी लामालाई उपचारका लागि भन्दै पोखराको मणिपाल अस्पताल पु¥याइएकी छात्राको सोही दिन मृत्यु भएको परिवार श्रोतले जनाएको छ ।

त्यसलाई अप्राकृतिक भन्दै मृत्युका लामाका परिवारले प्राधानध्यापक धनलाल रोकायालाई दोषी ठहर गरी जिल्ला प्रहरी कार्यालय हुम्लामा जाहेरी दर्ता गरेका थिए ।

विद्यालय अध्ययनका लागि गएको महिना दिन नबित्दै लास देख्न नपाउने गरी भएको छोरीको मृत्युले आक्रोशित बनाएको बाबु लेन्डो मिन्गुर लामा तामाङले बताए । प्रअ रोकायाले सिमकोट सुर्खेत नेपालगञ्जमा अस्पताल हुँदा हुँदै हेलिकप्टरबाट पोखरा लगेर छोरीको लाससम्म पनि देख्न नपाउने परिस्थिति बनाइएकोले प्रअ रोकाया विरुद्ध जाहेरी दिएको बताए ।

प्रधानाध्यापक धनलाल रोकायाला
जिल्ला प्रहरी कार्यालय हुम्लामा जाहेरी दर्ता भएको एक सातापछि प्रअ रोकायालाई सुर्खेत विमानस्थलबाटै पक्राउ गरेका जिल्ला प्रहरी कार्यालयका प्रबक्ता डिएसपी श्याम सिंह चौधरीले जानकारी दिएका छन् ।

आज सर्खेत विमानस्थलबाट पक्राऊ परेका उनलाई भोली हुम्ला पठाइने डिएसपी चौधरीले बताए । कानुन बामोजिम मुद्धा दर्ता भएको र यसको अनुसन्धानको कार्य सुरु भएको प्रहरीले जनाएको छ ।

मृतक लामा, उनकी साथी रमिता लामा र प्रअ रोकायाकी छोरी एलिसा सँगै बस्दै आएको परिवार श्रोतले जनाएको छ । मृतक लामा अचेत भएपछि प्रधानाध्यापक रोकायाले परिवारलाई जानकारी नदिई पोखराको मणिपाल अस्पताल पु¥याएको जाहेरीमा पत्रमा उल्लेख छ । इनयाँ पत्रिकाबाट साभार

कमेन्ट गर्नुहोस्