होली पर्वको शुभकामना

रंगको पर्व होलीमा रङ्गाई आफ्नो गाला
अपरिचितलाई रंग दले मानिन्‍न निको चाला

पानी छ्यापी आपसमा हानिन्छ पनि लोला
हाँसी खुशी पर्व मानौं दुई दिनको यो चोला

 

राजेन्द्र पोखरेल

सबै खेलमा नियम हुन्छन् पालना सधैं गरौं
फोहर पानी नफाली अरुलाई सभ्य मानिस बनौं

घर परिवार साथी भाई मिली खेलौं होली
सद्भभाव बाड्दै देशैभरि मनाइन्छ आज भोलि

 

मादक पदार्थ सेवन गरी मान्‍नुहुन्‍न पर्व
हाम्रै मौलिक पर्व हो गरौं यसमा गर्व

नगरी झगडा मनाऔं पर्व राखौं यही भावना
फागु पर्वको अवसरमा सबैलाई छ शुभकामना

राजेन्द्र पोखरेल
सिरानचोक-५ गोरखा
हाल टोखा न.पा. काठमाण्डौ

कमेन्ट गर्नुहोस्