प्रथम राष्ट्रिय खुल्ला पुरुष भलिबल प्रतियोगिता हुने

नुवाकोट, फागुन २१ । दुप्चेश्वर गाउँपालिकाको आयोजनामा प्रथम राष्ट्रिय खुल्ला पुरुष भलिबल प्रतियोगिता हुने भएको छ ।

वडा नं ३ स्थित कौकेश्वरी माध्यमिक विद्यालय राउतबेँसीको खेलमैदानमा आगामी चैत १ देखि ३ गतेसम्म प्रतियोगिता सञ्चालन गर्न लागिएको आयोजक दुप्चेश्वर गाउँपालिका अध्यक्ष योबिन्द्रसिंह तामाङले जानकारी दिनुभयो ।

प्रतियोगितामा पहिलो, दोस्रो, तेस्रो र सान्त्वना हुने समूहलाई क्रमशः रु एक लाख, रु ५० हजार, रु ३० हजार र रु १० हजार नगद पुरस्कार दिइने छ ।

प्रतियोगितामा उत्कृष्ट खेलाडी, उत्कृष्ट स्पाइकर, उत्कृष्ट सटर र उत्कृष्ट बलर, उदीयमान खेलाडी र अनुशासित समूहलाई पनि नगद पुरस्कारको व्यवस्था गरिएको छ ।

विश्व भलिबल महासंघ र नेपाल भलिबल संघको नियममा खेलाइने प्रतियोगितामा सहभागीलाई खाना र बासको समेत व्यवस्था मिलाइएको आयोजकले जनाएको छ ।

कमेन्ट गर्नुहोस्

सम्बन्धित् समाचार  सेन्ट्रल जोन भलिबल च्याम्पियनसिपमा नेपालको जीत
%d bloggers like this: