राष्ट्र बैंकले दुई अर्ब रुपैयाँको नागरिक बचतपत्र जारी गर्ने

काठमाडौं, फागुन २५ । नेपाल राष्ट्र बैंकले पञ्चवर्षीय नागरिक बचतपत्र जारी गर्ने भएको छ । पाँच वर्ष अवधिको यस बचतपत्रमा ९ प्रतिशत वार्षिक ब्याज पाइनेछ ।

राष्ट्र बैंकले कुल दुई अर्ब रुपैयाँको बचतपत्र निष्कासन गर्न लागेको हो । राष्ट्र बैंकका अनुसार यो बचतपत्रको ब्याजदर ६–६ महिनामा भुक्तानी गरिनेछ । बचतपत्र खरिद गर्न घटिमा १० हजार रुपैयाँ र बढीमा १० हजारले भाग गर्दा निःशेष भाग जाने अंकमा आवेदन दिनुपर्नेछ ।

बचतपत्रमा नेपाली नागरिकले मात्र आवेदन दिन सक्नेछन् । लगानीकर्ताले यस्तो बचतपत्र धितो राखी नेपाल राष्ट्र बैंक बाहेक अन्य बैंक तथा वित्तीय संस्थाबाट कर्जा लिन पनि सक्नेछन् ।

बचतपत्र खरिद गर्ने समय चैत १ गतेदेखि २१ गतेसम्म तोकिएको छ । यही चैत २६ गते निष्कासन हुने बचतपत्रको २०७९ चैत २६ गते साँवा भुक्तानी हुने राष्ट्र बैंकले जनाएको छ ।

कमेन्ट गर्नुहोस्

error: Content is protected !!