हङकङको आठौं विकेट पतन, सन्दीपले लिए तीन विकेट

काठमाडौं, फागुन २८ । एकदिवसिय विश्वकप क्रिकेट छनोट अन्तर्गत आफ्नो चौथो खेलमा नेपाल हङकङसँग भिडिरहेको छ ।

जिम्बाबेको बुलावायोस्थित क्विन्स स्पोर्ट्स क्लब मैदानमा टस जितेर हङकङले ब्याटिङ रोजेपछि नेपालले बलिङ गरेको हो।

आठौं विकेटको रुपमा हङकङका अइजा खानलाई सन्दीप लामिछानेले ३ रनमा आउट गरेका हुन्

यसअघि सातौ विकेटको रुपमा तनविर अफजाललाई बसन्त रेग्मीले आउट गरेका हुन् ।

छटौं विकेटको रुपमा हङकङका निजाकत खानलाई नेपालका ललित राजवंशीले ४७ रनमा आउट गरेका हुन् ।

नेपालले हङकङविरुद्ध नेपालले पाँचौ सफलता हात पारेको छ।हङकङका सिमान्दीप सिंहलाई ज्ञानेन्द्र मल्ले रन आउट गराएका हुन् । यसअघि सन्दीप लामिछानेले तेस्रो र चौथो विकेट लिएका थिए ।

उनले हङकङका सहिद वासिकलाई १ रनमा र अंशुमन रथलाई पनि १ रनमा आउट गराएका थिए ।

सोमपाल कामीले हङकङको महत्वपूर्ण विकेटको रुपमा हङकङका बाबर हायतलाई आउट गराएका थिए । उनले १६ बलमा ३ चौका र १ छक्कासहित २० रन बनाएका हायतलाई आउट गरेका थिए ।

हङकङको पहिलो विकेट भने बसन्त रेग्मीले लिएका थिए । हङकङका ओननिङ ब्याट्सम्यान सी कार्टरलाई उनले ९ रनमा आउट गरेका थिए ।

कमेन्ट गर्नुहोस्