म्यान्चेस्टर सिटी बन्यो इङ्गलिस प्रिमियर लिग च्याम्पियन

काठमाडौं, बैशाख ३ । इङ्गलिस प्रिमियर लिग फुटबलको उपाधि म्यान्चेस्टर सिटीले जितेको छ ।

गएराती भएको खेलमा दोस्रो स्थानको म्यान्चेस्टर युनाईटेडलाई वेष्ट ब्रोमले पराजित गरेपछि म्यान्चेस्टर सिटीले ५ खेल बाँकी छँदै उपाधि जितेको हो ।

म्यान्चेस्टर युनाईटेड विरुद्ध वेष्ट ब्रोमलाई विजयी गराउन जे रोड्रिग्वेजले ७३ औं मिनेटमा गरेको गोल निर्णायक बन्यो ।

म्यान्चेस्टर युनाईटेडको यो हार सोही शहरको अर्को क्लव म्यान्चेस्टर सिटीलाई च्याम्पियन बनाउन पर्याप्त थियो ।

लिगका ३३ खेलबाट म्यान्चेस्टर सिटीले ८७ अंक जोडेको छ । समान खेलबाट ७१ अंक जोडेको दोस्रो स्थानको म्यान्चेस्टर युनाईटेड सिटीभन्दा १६ अंकले पछि छ ।

म्यान सिटीको यो उपाधि पछिल्लो सात सिजनमा तेस्रो लिग उपाधि हो भने क्लवका लागि अहिलेसम्मको पाँचौ उपाधि हो ।

सिटीलाई स्पेनिस प्रशिक्षक पेप ग्वार्डीयोलाले उपाधि जिताएका हुन् ।

पूर्व बार्सीलोना प्रशिक्षक ग्वार्डीयोलाले म्यानचेस्टर सिटीको प्रशिक्षण समालेको दोस्रो वर्ष नैं टोलीलाई प्रिमियर लिग च्याम्पियन बनाएका हुन् ।

इङ्गलिस प्रिमियर लिग फुटबल अन्तर्गत गएराती भएको अर्को खेलमा आर्सनललाई न्युकासल युनाईटेडले २-१ ले हराएको छ ।

कमेन्ट गर्नुहोस्

error: Content is protected !!