सिन्धुको खुद नाफा २८.९९ प्रतिशतले घट्यो

काठमाडौं । सिन्धु विकास बैंकले चालु आथिक वर्षको तेस्रो त्रैमासमा १ करोड ८१ लाख ४१ हजार रुपैयाँ खुद नाफा कमाएको छ । खुद नाफा गत वर्षको यही अवधिमा भन्दा २८.९९ प्रतिशतले थोरै हो । बैंकको खुद ब्याज आम्दानी ०.१४ प्रतिशतले बढेर ७ करोड ४० लाख ३५ हजार रुपैयाँ पुगेको छ । तर सञ्चालन नाफा २८.९९ प्रतिशतले घटेपछि खुद नाफामा पनि गिरावट आएको हो ।

तेस्रो त्रैमाससम्म यसको सञ्चालन नाफा २ करोड ८५ लाख ८ हजार रुपैयाँ मात्र छ । सिन्धुले १ अर्ब ९७ करोड २६ लाख ७३ हजार रुपैयाँ निक्षेप संकलन गरी १ अर्ब ५१ करोड ५ लाख ७२ हजार रुपैयाँ कर्जा लगानी गरेको छ । खराब कर्जा १।०५५ बाट बढेर १।३६५ पुगेको छ । कस्ट अफ फन्ड पनि ६.४० प्रतिशत पुगेको छ । गतवर्ष यो ४.७५ मात्र थियो ।

सिन्धुले चुक्ता पुँजी २६ करोड २१ लाख ९२ हजार रुपैयाँबाट बढाएर ४१ करोड ८१ लाख १६ हजार रुपैयाँ पुर्याएको छ । रिजर्भ कोषमा पनि ६१.९८५ सुधार गरी ९ करोड ४४ लाख २८ हजार रुपैयाँ जम्मा गरेको छ । सिन्धुको प्रतिसेयर आम्दानी ९वार्षिक० ५ रुपैयाँ ७८ पैसा र प्रतिसेयर नेटवर्थ १२२ रुपैयाँ ५८ पैसा छ । नेपालीपैसाबाट साभार

कमेन्ट गर्नुहोस्

%d bloggers like this: