चलचित्र ‘बाबु कान्छा’को फष्टलुक सार्वजनिक

नेपाली चलचित्र ‘बाबु कान्छा’ को पोष्टर सार्वजनिक भएको छ । निर्माण पक्षले बिहीबार औपचारिकरुपमा ‘बाबु कान्छा’को फष्टलुक पोष्टर सार्वजनिक गरेको हो ।

चलचित्रको पोष्टर सार्वजनिकसगै रिलिज मिति पनि तय गरिएको छ । आगामी असार २९ गतेदेखि चलचित्र ‘बाबु कान्छा’ विभिन्न हलहरुमा प्रदर्शनमा आउने भएको छ ।

चलचित्र ‘ए मेरो हजुर २’ बाट निकै तारिफ पाएका सलोन बस्नेतको मुख्य भूमिका रहेको ‘बाबु कान्छा’ पोस्टरमा चलचित्रका मुख्य कलाकारहरुलाई नै पोस्टरमा प्रस्तुत गरिएको छ । पछिल्लो समय निकै व्यस्त रहेका नायक सलोन बस्नेतले आफ्नो अभिनयमार्फत चौतर्फी तारिफ बटुलेका छन् । चलचित्र ‘बाबु कान्छा’ बाट पनि दर्शकको माया अझै पाउने सलोनको विश्वास रहेको छ ।

शोभित बस्नेतको निर्माण तथा निर्देशन रहेको चलचित्र ‘बाबु कान्छा’मा सलोन बस्नेत नीर शाह, सरोज खनाल, राजाराम पौडेल, लय संगौला, करिष्मा श्रेष्ठ, ऋतिक शाही, सम्राट सापकोटा, मञ्जु पौडेल, गीता अधिकारी, रामेश्वर रिजाल, सुशान्त श्रेष्ठ, विक्रम कंडेल लगायतको मुख्य भूमिका रहेका छन् ।

यस चलचित्रबाट अश्लिन ज्ञवाली र ज्योत्सना महर्जनले डेव्यू गर्दैछिन् ।

सम्बन्धित् समाचार  चलचित्र क्षेत्रलाई भन्दा अध्ययनलाई निरन्तरता दिने सहाराको निर्णय

२०७२ सालमा ‘जाउँ हिंड पोखरा’ आएपछि शोभित बस्नेतद्धारा निर्देशित चलचित्र बजारमा आएका थिएनन् । यसअघि सार्वजनिक चलचित्र ‘कर्णविर’ समावेश ‘चन्द्रमाझै राम्री’ बोलको रिमिक्स भर्सनलाई दर्शक तथा स्रोताले मन पराएका छन् ।

केही दिनमा नै एक कार्यक्रमको बीच चलचित्रको ट्रेलर सार्वजनिक गरिने कार्यकारी निर्माता रवि अधिकारीले जानकारी दिनुभयो ।

संचारकर्मी रबि अधिकारी कार्यकारी निर्माता रहेको बाबु कान्छामा सन्तोष राज भण्डारी र सुरज घिमिरे सह निर्माताको रुपमा रहेका छन् । बाबु श्रेष्ठ र कृष्ण श्रेष्ठको छायांकन रहेको फिल्ममा रामजी लामिछाने र दिपेन्द्र तिमिल्सेनाको कोरियोग्राफी रहेको छ । चलचित्रमा अस्ट महर्जनको एक्शन, गौतमराज खड्काको सम्पादन ,टंक बुढाथोकी संगीत रहेको छ भने ओम सुनारले ‘कर्णवीरको चन्द्रमाझैं राम्री छौ’ गीतलाई रिमिक्स गरेका हुन् ।

कमेन्ट गर्नुहोस्

%d bloggers like this: