विश्वकप हेर्न काठमाडौंमा आचारसंहिता, १० बुँदे आचारसंहिता यस्तो छ-

काठमाडौं, जेठ २९ । जेठ ३१ गतेबाट शुरु हुन लागेको विश्वकप फुटबलको रौनक नेपालमा पनि छाएको छ। रुसमा सुरु हुने विश्वकप हेर्न नेपालीहरु पनि भिन्न भिन्न टिममा विभाजित छन्। नेपालको टिम विश्वकपमा सहभागि नभएपनि दर्शकहरु विश्वकप हेर्न विभिन्न तयारी गरिरहेका छन्।

यसैबिच जिल्ला प्रशासन कार्यालयले काठमाडौंका दर्शकलाई मर्यादित र संयमित बनाउन १० बुँदे आचारसंहिता जारी गरेको छ।

सहायक प्रमुख जिल्ला अधिकारी बासुदेव घिमिरेले सोमबार सार्वजनिक सूचनामार्फत काठमाडौंका दर्शकका लागि १० बुँदे आचारसंहिता सार्वजनिक गरेका हुन्।

‘विश्वकपका खेलहरु क्लब, संघसंस्था, तथा निजी व्यवसायीले आफ्नो परिसर, प्रतिष्ठानमा मनोरञ्जनका लागि प्रदर्शन गर्ने सन्दर्भमा निम्न लिखित शर्तहरुको अधिनमा रहेर मात्र गर्न पाउनेछन्’, घिमिरेले भनेका छन्।

उल्लेखित आचारसंहितामा खेलहरुको प्रदर्शन आफ्नो परिसरभित्र मात्र गर्न पाउने, प्रदर्शन स्थलमा कुने प्रकारको शुल्क लगाउन नपाइने, खेलको हारजित लगायत विषयलाई लिएर कुनै पनि प्रकारको निषेधित जुवा, सट्टेबाजी, लगानी, कारोबार आदि गर्न गराउन, खेल खेलाउन नपाइने, मादक पदार्थ खरिद विक्री, ओसार पसार तथा सेवन गर्न गराउन नपाइने, असुरक्षा नियन्त्रण गर्न आवश्यक जनशक्ति तथा सीसीटिभी निगरानीको व्यवस्था गरिएको हुनुपर्ने, होहल्ला गरी टोल छिमेकमा शान्ति सुव्यवस्थामा बाधा पार्न नपाइने लगायत रहेका छन्।

सम्बन्धित् समाचार  एन्टोनियो रुडिगर र विलियनले गरे गोल, चेल्सीद्वारा एभर्टन पराजित

प्रशासन कार्यालयले सुरक्षा तथा शान्तिपूर्ण खेल प्रदर्शनका लागि आचारसंहिता ल्याउनुपरेको जनाएको छ।

कमेन्ट गर्नुहोस्

%d bloggers like this: