कर्णाली प्रदेशमा २३ अर्बको बजेट ल्याइँदै

सुर्खेत, जेठ ३० । आगामी आर्थिक वर्षमा कर्णाली प्रदेशको लागि करिब २३ अर्ब रुपैयाँको बजेट प्रस्तुत हुने भएको छ ।

आर्थिक मामिला तथा योजना मन्त्रालयले आज वीरेन्द्रनगरमा पत्रकार सम्मेलन गरी असार १ गते प्रस्तुत गरिने बजेटको अन्तिम तयारीमा रहेको जनाएको छ ।

आर्थिक मामिला तथा योजनामन्त्री प्रकाश ज्वालाले संघीय प्रस्तुत गरिने बजेटमध्ये सरकारको अनुदानबाट रु नौ अर्ब १३ करोड, राजस्वबाट करिब रु पाँच अर्ब ६७ करोड र सशक्त अनुदानबाट रु छ अर्ब ६१ करोड प्राप्त हुने बताउनुभयो ।

राजस्व संकलनको अवस्था कमजोर रहेको भन्दै उहाँले यसलाई बढाउने प्रयास गर्ने बताउनुभयो । “यस पटक यही बजेटलाई कार्यान्वयन गर्नुप¥र्यो’ उहाँले भन्नुभयो, “आगामी वर्ष बजेटको आकार बढाउनेछौ ।”

असारे विकास मोडललाई निरुत्साहित गर्ने र हतारमा बजेट बाड्ने प्रवृक्तिको अन्त्य गरेर बजेट दुरुपयोग हुनबाट रोक्ने उहाँको भनाइ थियो । -रासस

कमेन्ट गर्नुहोस्

error: Content is protected !!