कलाकार केसीको जन्मदिनको अवसरमा नयाँ चलचित्र ‘दालभात’को घोषणा

गतवर्ष नेपाली चलचित्र ‘शत्रु गते’ ले बम्पर कमाई गरेपछि निर्माता किरण केसीले नयाँ चलचित्रको घोषणा गरेका छन् । यो चलचित्रलाई किरण केसीका छोरा सुजन केसीले निर्देशन गर्ने भएका छन् ।

कलाकार केसीको जन्मदिनको अवसर पारेर शुक्रबार आयोजना गरिएको कार्यक्रममा ‘दालभात’ नामक चलचित्रको घोषणा गरिएको हो ।

चलचित्रलाई मह संचारको प्रस्तुतिमा किरण केसीले निर्माण गर्दैछन् ।

यस चलचित्रमा ‘शत्रु गते’ कै टिम हुने बताइएको छ । चलचित्रमा हरिवंश आचार्य, मदनकृष्ण श्रेष्ठ, किरण केसीको साथमा दिपकराज गिरी र दीपाश्री निरौलाको पनि मुख्य भूमिका रहने वुझिएको छ । तर, किरण केसीको जन्मदिनको अवसरमा भने कलाकारको घोषणा गरिएन ।

कार्यक्रममा हाँस्य व्यङ्ग्य क्षेत्रमा योगदान पुर्याएको भन्दै कलाकार सन्तोष पन्तलाई सम्मान गरिएको थियो ।

यस्तै, पत्रकारिताको माध्यमबाट हाँस्य ब्यङ्ग्य क्षेत्रमा योगदान पुर्‍याएको भन्दै पत्रकार विदुर गिरीलाई सम्मान गरिएको थियो ।

कार्यक्रममा हाँस्य ब्यङ्ग्य क्षेत्रका अधिकांश कलाकारहरुको सहभागीता थियो । उनीहरुले किरण केसीको समाजसेवा र व्यक्तित्वको बिषयमा चर्चा गरेका थिए ।

कमेन्ट गर्नुहोस्

सम्बन्धित् समाचार  ‘धर्मयुद्ध’ बाट चलचित्रमा फर्किए छन् धिरेन (प्रोमोसहित)
%d bloggers like this: