डा. हिमाल धामीले ल्याए तीज कोशेली ‘भिर मौरीको मह’

लोकेश बुङ्ली, काठमाडौं । हिमाल धामी पेशाले दन्त चिकित्सक हुन् । अब भने उनी दन्त चिकित्सक मात्रै होइनन् । उनको परिचय थप बढेको छ । अब उनी गीतकारसमेत बनेका छन् । हुन त उनी पहिलेदेखि नै गीतहरु रचना गर्थे । तर, अहिलेसम्म उनका गीत स्रोता तथा दर्शकले हेर्न र सुन्न पाएका थिएनन् । अब भने स्रोता तथा दर्शकले लामो समयपछिको प्रतिक्षा पूरा गर्ने भएका छन् ।

गीतकार डा. धामीको पहिलो कोशेली अहिले बजारमा आएको छ । उनले हिन्दु महिलाहरुको महान् पर्व हरितालिका तीजको अवसरमा एउटा मन छुने गीत बजारमा ल्याएका हुन् । उनले पहिलो गीतकोरुपमा स्रोता दर्शकमाझ ‘भीर मौरीको मह’ ल्याएका छन् । भीर मौरीको मह कतिले चाख्ने मौका पाउनु भएको छ ? अनुमान गरौं धेरैले स्वाद लिन पाउनु भएको होला ! चाख्नु भएको भए भीर मौरीको महको याद अहिलेसम्म आइरहेको हुनसक्छ । हो गीतकार धामीको ‘भीर मौरीको मह’ पनि त्यत्तिकै ‘टेस्टी’ छ ।


‘यसपालीको तीजमा मह चखाउँछु’ यो गीतको अहिले अडियो मात्र स्रोताले सुन्न पाउनु भएको छ । केही दिनमा यसको म्यूजिक भिडियो पनि हेर्न पाउनु हुनेछ । गीतकार धामीले भने, ‘पहिलो गीत भएकाले सबै कुरा व्यवस्थापन गर्न गाह्रो भयो । अहिलेसम्म अडियो सार्वजनिक भएको छ, केहि दिनमा म्यूजिक भिडियो पनि बजारमा आउने छ ।’

सम्बन्धित् समाचार  नेपाल आइडल बुद्ध लामा तनावमा, जितेको पुरस्कार अहिलेसम्म नपाउँदा यसरी मुख खोले (हेर्नुहोस् भिडियोसहित)


बझाङ जस्तो विकट ठाउँको झन दुर्गम साविकको ब्याँसी गाविसमा जन्मिनु भएका धामी सानैदेखि गीत संगीतमा रुचि राख्थे । भैसीँ गोठोला हुँदा होस् या वन पाखा जाँदा उनी गीत संगीतमा खूबै रम्ने गर्दर्थे । भैसीँलाई लिएर खर्क गएका बेला रमाइलोको याद गीतकार धामीलाई अहिले जस्तै लाग्छ । उनी खर्क जाँदा गीत गाएको यादहरु बेलाबेलामा सम्झीन्छन् ।

डा. धामी बाल्यकाल स्मरण गर्छन्, ‘स्कूलको छुट्टी मिल्ने वित्तिकै सानोमा गाइभैसीँ गोठालो खूबै गइन्थ्यो । घनघोर जंगलमा साथीहरुसँग देउडा चल्थ्यो । कलिहेकाहीँ साथीहरुसँग मिलेर नै भेरीको मह पनि निकालिन्थ्योे । त्यो भेरीको महको स्वादले साह्रै झझल्को दिन्छ । मौरीले कति दिन टोक्यो पनि । तर, मह चोर्न छोडिएन ।’

डा. धामीले त्यहि बाल्यकालमा भोगका विभिन्न रमाइला क्षणहरुलाई टपक्कै टिपेर अहिले ‘भिर मौरीको मह’ गीत ल्याएका हुन् । गीतकार धामीले भने, ‘म एक दन्त चिकित्सक, मसँग समय नै हुँदैन । तर, पनि ‘जहाँ इच्छा त्यहाँ उपाय’ आफूले चाहना राखेपछि हुँदो रहेछ । मैले थोरै समय निकालेर भएपनि गीत संगीतलाई समय दिइरहेको छुँ, त्यसैको परिणाम हो ‘भीर मौरीको मह’ ।

सम्बन्धित् समाचार  तुलसी घर्ती र बिक्रम आचार्यको सिंहदरबार, भिडियोसहित


हिमाल धामी सामाजिक सञ्जाल फेसबुक, गीत, संगीत तथा अन्य गतिविधिमा सुनिने तथा देखिने नाम हो । तर, उनको वास्तविक नाम भने डबलबहादुर धामी हो । अर्थात डीबी धामी । उनी गाउँ घर तथा दाँतका रोगीमाझ डबलबहादुर उर्फ डीबी धामी भनेर परिचित छन् । धामीको ‘भीर मौरीको मह’ को सानो सुटिङको क्लिप यहाँ हेर्न सक्नुहुन्छ-

डा. धामी आफ्नो क्षेत्रको एक प्रशिद्ध व्यक्ति पनि हुन् । उनको नाम गाउँमा दाँतको डाक्टरको नामले परिचय छ । स्वयम् मैले पनि उनको नाम सानैमा सुनेको । उनलाई मैले दाँतको डाक्टरको नामले मात्रै चिनेको थिए । तर, आज दन्त विशेषज्ञ मात्रै नभएर गीतकारको नामले पनि चिन्ने मौका पाएको छु । यो मौका मजस्ता कयौंलाई मिलेको छ । धामीले आफ्नो बारे मात्रै नभएर गाउँ ठाउँका बारे पनि चिन्ता र चाँसो राख्छन् । आफ्ना ठाउँका समस्या कसरी समाधान गर्न सकिन्छ भन्ने तर्फ उनी सचेत छन् । उनले आफ्नो मातृभूमिलाई प्रदान गर्न सक्ने सहयोग गरिरहेका छन् ।

डा. धामीले गाउँका वर्तमान समस्यालाई हल गर्न सम्बन्धित निकायलाई विभिन्न माध्यमबाट खबरदारी गरिरहेका हुन्छन् । विशेष गरि उनले सामाजिक सञ्जाल फेसबुकमार्फत गाउँ ठाउँका रैबार प्रदान गरिरहेका हुन्छन् । समस्यालाई समाधान उन्मुख बनाउन उनी तल्लीन छन् ।

सम्बन्धित् समाचार  स्वरूपराजको अर्काे गीतको म्युजिक भिडियो बजारमा आउँदै

डा.धामी दन्त चिकित्सक, गीतकार मात्रै होइनन्, उनी गायक पनि हुन् । उनले आफूले गाएको गीत नै बजारमा ल्याउन नसके पनि उनको आवाज मिठो छ । त्यहि मिठो आवाजमा स्रोता दर्शकले सायद छिट्टै गीत पनि हेर्न र सुन्न पनि पाउँछन् होला ।

डा. धामीले अहिले बजारमा ल्याएको तीज गीत ‘भीर मौरीको मह’ मा आफूले र्न गाउने सुरु बनाएका थिए । दुर्भाग्य त्यो पूरा हुन सकोन । उनी भन्छन्,‘ यो गीत म आफैंले गाउने भनेको थिए । तर, रेकर्डिङ गर्ने दिन नै असन्चो भयो ।’

केहि दिन अघि बजारमा आएको ‘भीर मौरीको मह’ मा आवाज दिपा रोकाया र सुरेश शाही रहेको छ । यस्तै, गीतमा लय तथा शब्द डा. हिमाल धामीको छ । केहि दिनमा आउने म्यूजिक भिडियोमा लक्ष्मी, डम्बर, करिस्मा, हिरोजको अभिनय देख्न  सकिने गीतकार धामीले जानकारी दिए ।

कमेन्ट गर्नुहोस्

%d bloggers like this: