विवाहको नाटक गरेर दर्जनाै महिलाबाट लाखौ ठग्ने युवक पक्राउ, यसरी परे जालमा

अहमदाबाद (बिबिसी) । एकल महिलासँग बिहा गर्ने नाममा लाखौं ठगि गर्दै हिँडने एकजना युवकलाई गुजरात प्रहरीले गिरफ्तार गरेको छ । प्रहरीका अनुसार, यो ठगले सम्बन्ध विच्छेद भएका र पति गुमाएका महिलाहरुसँग विवाह गर्ने भनेर लाखौं असुल्दै आएको थियो ।

 

ठगीको आरोपमा परेको २४ वर्षीय जुलियन सिन्हा एकजना पूर्व सैनिकको छोरा रहेको बताइन्छ । युवकले कैयन वैवाहिक साइटमा दर्जनाबढी नक्कली एकाउण्ट बनाएको थियो । आफूलाई सेनाको अधिकृत बताएर उसले एकल महिलालाई निशानामा पार्दै आएको थियो ।

 

उसको प्रोफाइल हेरेर चासो राख्ने महिलाहरुलाई उसले फोनमा कुरा गर्ने गरेको थियो । कुराकानीका क्रममा ती महिलासँग विवाह गर्ने स्वाङ रचेर उसले लाखौं रकम लिने गर्दथ्यो । अहमदाबाद निवासी एकजना कविता नाम गरेकी महिलाले युवकविरुद्ध प्रहरीमा जाहेरी दिएपछि अनुसन्धान शुरु भएको थियो ।

 

कवितका अनुसार, सामान्यतः सम्बन्ध विच्छेद या पति गुमाएका महिलाहरु सहानुभूति खोजिरहेका हुन्छन् । उनीहरुलाई कोही न कोही सहारा होस भन्ने हुन्छ । ती युवकले महिलाहरुको यही संवेदनासँग खेल्न सुरु गरेको थियो । यस्ता महिलाहरुसँग सहानभूति प्रकट गर्ने र उनीहरुको एक्लोपनको फाइदा उठाउँदै उसले कैयन महिलाहरुलाई आफनो शिकार बनायो ।

सम्बन्धित् समाचार  काउसो दलेर लुटपाट

 

कविताका अनुसार, युवकले कुनै पनि महिलाको सम्पर्कमा आउनु अघि उसको आर्थिक पृष्ठभूमिका बारेमा जानकारी बटुल्ने गर्दथ्यो । पैसा भएका एकल महिलाहरु उसको पहिलो निशाना हुन्थे । महिलाहरुले विश्वास गर्न थालेपछि आफूलाई भारतीय सेनाको रिटायर्ड मेजर बताएर उक्त युवकले उनीहरुसँग सामाजिक काम र आतंकवादविरुद्द काम गर्ने भन्दै चन्दा माग्ने गर्दथ्यो ।

 

यति मात्रै होइन, युवकले महिलाहरुको मोबाइलमा आफू युद्द लडदा घाइते भएको भन्दै खुट्टामा चोटपटक लागेका तस्वीर समेत पठाउने गर्दथ्यो । गम्भीर चोट लागेका कारण श्रीमतीले छोडेर गएपछि आफू एक्लो परेको भन्दै सहानुभूति बटुल्न उसको नियत हुन्थ्यो ।

 

कविताका अनुसार जुलियन नामक ती युवकसँग उसको मित्रता एउटा वैवाहिक साइटबाट भएको थियो । देशप्रेमका कारण विवाह टुटेको बताएपछि त्यो कुरा पत्याएर आफू उसको नजिक भएको कविताले बताइन ।

 

यही बीचमा युवकले आफ्नो बैंक खाता कुनै कारणले बन्द भएको बतायो । सेनाले उसलाई उसलाई एउटा घर दिन खोजेको तर त्यसका लागि ४९, ५०० रुपैयाँ खातामा जम्मा गर्नुपर्ने बताउँदै उसले कवितासँग पैसा मागेको थियो । त्यसपछि जुलियनको फोन आउने क्रम कम हुँदै गयो । कविताले फोन गर्दा उसले मेसेज पठाएर अझै पैसा पठाउन भन्ने गथ्र्यो ।

सम्बन्धित् समाचार  बैंकको २३ लाख कर्मचारीले नै चोरेको खुलासा

 

उसको यस्तो प्रतिक्रिया देखेर कवितालाई शंका हुन थाल्यो । कविताले बिहे अघि जुलियनको बा आमासँग भेट गर्नुपर्ने शर्त राखिन । “अहमदाबादको स्वाधिनता बंगलामा बस्ने बताएपछि मैले खोजी गरेँ ।” कविता भन्छिन्, “उसको बुवा सेनामा रहेको त थाहा भयो तर जुलियन भने कहिले सेनामा भर्ना नभएको पत्ता लाग्यो । यो सँगै मजस्तै अन्य कैयनलाई पनि उसले ठगेको पत्ता लाग्यो ।”

 

यसपछि कविताले प्रहरीमो रिपोर्ट दर्ता गरिन र उससँग कुराकानी गर्न पनि निरन्तर जारी राखिन । तर प्रहरीले उसलाई बिभिन्न महिलाहरुसँग कुराकानी गर्दै गरेको बेला आइपी ट्रयाक गरेर अहमदाबादको मोटेराबाट गिरफ्तार गर्यो । प्रहरीका अनुसार, उसले बिभिन्न राज्यबाट २५ बढी महिलाहरुलाई ठगेको थियो ।

कमेन्ट गर्नुहोस्

%d bloggers like this: