विचरा मेयरः पद ठूलो भएर के गर्नु, चित्त सानाे भएपछि…

गोदावरीसहित धनगढी महानगरपालिका बनाउने सपना किन देख्दैनन नेताहरु ?

कमल विश्वकर्मा

“साला, तिनीहरुको दुई तिहाई छ भनेर हुन्छ ?” एकजना ठूलै कदका मानिस कुर्लिए, “म पनि देखाई दिन्छु, मैले भनेजस्तो नहोस् त ?”

यो “अति सभ्य” भाषा चिया पसलमा झगडा हुँदा बोलिएको होइन । न त गाउँमा कुलो या पँधेरोको झगडा हुँदा अभिव्यक्त भएको हो ।

बरु, यो भाषा देशको एउटा प्रतिष्ठित उप महानगरपालिका प्रमुखको हो ।

उप महानगरपालिका अर्थात् अहिलेको शासन प्रणालीमा एउटा महत्वपूर्ण निकाय । करिब तीन चारवटा निर्वाचन क्षेत्र बराबर भूगोलका बासिन्दाले विजय गराएर शासन प्रणाली चलाउने ठाउँ ।

यो पदको आफ्नै गरिमा छ ।

यो पदको आफ्नै प्रतिष्ठा छ ।

र, यो पदमा आसीन व्यक्ति भविष्यमा सांसद, प्रदेश मन्त्री, मुख्यमन्त्री र संघीय मन्त्रीको सोझो दावेदार मानिन्छ ।

र, यो पद त्यो नगर क्षेत्रका लागि मात्रै आदरणीय हुन्न, बरु उसले जिल्ला, प्रदेश र देशलाई नै आफ्नो सोचेर काम गर्नुपर्ने नैतिकता बोकेको हुन्छ ।

एउटा स्थानीय तह आफैमा स्वायत्त हुँदैन । अर्को स्थानीय तहसँग उसको नजिकको सम्बन्ध हुन्छ । आपसमा जोडिएका कैयन साझा योजना र कार्यक्रम हुन्छन् । त्यो अर्थमा एउटा स्थानीय तहले अन्य स्थानीय तहको विकास, समृद्धि र योजनाहरुमा समेत उत्तिकै सहभागिता जनाएको हुन्छ ।

सबैभन्दा ठूलो कुरा हरेक स्थानीय तह अन्ततः संविधान, कानुन र त्यसअनुरुपको शासन प्रणालीका मजबूत आधार पनि हुन ।
र, यस्तो गम्भीर र जिम्मेवार पदमा बसेका व्यक्तिको भाषा छूद्र हुन्छ, अश्लील हुन्छ, गाली बेइज्जतीको हुन्छ र आक्रोशको सीमा उसले सबै नैतिकता र मर्यादा बिर्सियो भने ?

त्यसपछि ‘विचरा भन्नुबाहेक हाम्रा सामु अरु कुनै विकल्प बाँकी रहन्न ।”
र, अहिले त्यही कुरा देखिएको छ ।

धनगढी उप महानगरपालिकामा ।

त्यहाँका प्रमुख नृप वड अहिले चर्चामा छन ।

चर्चामा छ उनको बोली ।

चर्को र कर्कश बोली ।

त्यो बोलीले मात्र आफ्नो हेर्छ,

देश हेर्दैन, प्रदेश हेर्दैन ।

उनले धनगढी नगरपालिकाको सीमाभन्दा १५, २० किलोमिटर पनि टाढा नभएको स्थानमा राजधानी प्रस्ताव गर्दा चर्को बिरोध गरे । यो उनको ओछो र लघु मनोदशाको प्रवृत्ति थियो ।

लाग्छ, उनी त्यही उप महानगरपालिकाको सीमानालाई बेग्लै राज्य या देश मानेर बसेका छन् । अझ त्यसमा पनि धनगढी बजारलाई ।
प्रदेश सरकारले सबै प्रकारका सम्भावना अध्ययन गरेर प्रदेशको राजधानी पहाड र तराई जोड्ने बिन्दू गोदावरीमा राखेपछि यी वडको भारी वजन एकाएक पग्लिन शुरु भएको हो ।

र, यिनले घोषणा नै गरे– राजधानी धनगढीबाट सारे सबै जलाइदिन्छु । सबै ध्वस्त गरिदिन्छु । सबैलाई थुनिदिन्छु… सालाहरु… आदि इत्यादी ।
यदि यिनको मुखबाट राजधानी धनगढी नहुने हो भने मध्य भागतिर कतै पहाडमा बनाइयोस भन्ने सुन्दर शब्दहरु फुत्किन्थे भने…

तर फुत्केनन । बरु उनले धनगढी नगरपालिकाको सीमाभन्दा १५, २० किलोमिटर पनि टाढा नभएको स्थानमा राजधानी प्रस्ताव गर्दा चर्को बिरोध गरे ।

यो उनको ओछो र लघु मनोदशाको प्रवृत्ति थियो ।

त्यो कुरा यी वडले नबुझेका पक्कै छैनन होला । त्यसो हो भने उनको बिरोध राजधानी गोदावरीसँग छैन बरु तर वडको सरोकार मात्र धनगढी बजारसँग छ, आखिर किन ? 

यदि उनी सही अर्थमा राजनीतिज्ञ हुन्थे भने उनले निर्णयको स्वागत गर्थे र चित्त नबुझे गोदावरीबाट अझ उत्तरतिर राजधानी सार्न वैकल्पिक प्रस्ताव गर्थे ।

त्यसो भएको भए नौ वटै जिल्लाका वासिन्दाले उनलाई सम्मान गर्थे ।

तर उनले बिरोध मात्र गरेनन निकै असभ्य भाषा नै प्रयोग गरे ।

एउटा राजनीतिज्ञलाई नसुहाउने भाषा ।

स्थानीय निर्वाचनमा चर्चित हस्तीहरुलाई हराउँदै यी वड नगर प्रमुखमा विजय भएका थिए । त्यतिखेर धनगढीको राजनीतिक तथा क्षेत्रीय मनोविज्ञान यिनको जीतको मुख्य आधार थियो । र, त्यो जीतसँगै उनी दलित समुदायबाट नगरप्रमुख बन्ने पहिलो व्यक्ति समेत बनेका थिए । जुझारु स्वभावका वडले एउटा ठूलो सम्मान पाउन सफल भएका थिए ।

तर अहिले उनले उदगार गरेको शब्दहरुले उनको कद निकै सीमित गरिदिएको छ । उनको सामाजिक सञ्जाल र आम जनमानसमा आलोचना शुरु भएको छ ।

गोदावरी राजधानी हुँदा उनलाई आपत्ती हुन्छ भने धनगढी नगरपालिकाकै कुनै छेउछाउको स्थानमा राजधानी तोकेको भएपनि यिनले बिरोध नै गर्ने रहेछन भन्ने अहिले कतिपयले भन्न थालेका छन् ।

कतिपयले त यिनले धनगढी राजधानी बन्ने भएपछि त्यससँग जोडिएको रियल स्टेट र उद्योगलगायतका क्षेत्रमा ठूलो सम्भावना पहिल्याएका थिए भन्ने पनि भन्न थालेका छन् । यी कुरा पुष्टि गर्ने आधार छैन । तर उनले जसरी अहिले १५ किलोमिटर टाढाको स्थानलाई समेत अस्वीकार गरिरहेका छन, त्यसबाट उनी दूरदर्शी राजनीतिज्ञ नभएको स्पष्ट पारेको छ ।

स्थानीय तहको संरचना हुँदा गोदावरीलाई समेत मिलाएर धनगढीलाई महानगरपालिका बनाउनुपर्ने माग उठेको थियो । भविष्यमा यो सम्भावना नभएको होइन । गोदावरी पनि मिलाउन सकिएअहिलेको राजधानी स्वतः धनगढी महानगरपालिकामा पर्न जान्छ । त्यो निकै प्रबल सम्भावना पनि हो । त्यो कुरा यी वडले नबुझेका पक्कै छैनन होला । तर उनको बिरोध राजधानी गोदावरीसँग छैन बरु तर वडको सरोकार मात्र धनगढी बजारसँग छ, आखिर किन ?

के छ धनगढी बजार नजिक ?

यसको जवाफ बिस्तारै प्रकट हुँदै जानेछ ।

नत्र महानगरपालिकाका लागि भोलीका दिनमा पहल गर्नैपर्ने क्षेत्रमा राजधानी हुँदा झनै स्वागत गर्नुपर्नेमा यिनले निकै तल्लोस्तरमा कुर्लिनुपर्ने कुनै कारण देखिँदैन ।

कमेन्ट गर्नुहोस्

error: Content is protected !!