ग्लोबल आइएमई बैंकले मिसकल बैंकिङ सेवा सुरु

काठमाडौं, असोज २६ ।

ग्लोबल आइएमई बैंकले आफ्ना ग्राहकहरुलाई अत्याधुनिक बैंकिङ्ग सेवा उपलब्ध गराउने क्रममा मिसकल बैंकिङ्गसेवा सञ्चालनमा ल्याएको छ । जसअन्र्तगत ग्राहकले बैंकले उपलब्ध गराएका बिभिन्न मोवाईल नम्बरहरुमा मिसकल दिएर आफ्नो खाताको बारेमा जानकारी लिन सक्ने छन् ।

बैंकको मोबाइल बैंकिङ सेवा ग्लोबल स्मार्टमा आबद्ध बैंकका ग्राहकहरुले उपभोग गर्न पाउने बैंकले जनाएको छ ।

बैंकका ग्राहकले आफ्नो खातामा रहेको मौज्दात रकमको बारेमा जानकारी लिन ९८०१२३१२९४ नम्बरमा, खाताको पछिल्लो ३ वटा कारोबारको जानकारी लिन ९८०१२३१२९५ नम्बरमा, आफ्नो मोबाइलमा १०० टपअप गर्न ९८०१२३१२९६ नम्बरमा, क्रेडिट कार्डको पछिल्लो ३ वटा कारोबारको जानकारी लिन ९८०१२३१२९७ नम्बरमा, आफुले बैंकमा बुझाउनुपर्ने कर्जाको किस्ता रकमको बारेमा जानकारी लिन ९८०१२३१२९८ नम्बरमा र बैंकले प्रदान गर्ने विभिन्न कर्जाहरुको बारेमा जानकारी लिन ९८०१२३१२९९ नम्बरमा मिसकल दिन सक्ने बैंकले जानकारी दिएको छ ।

ग्रहकले बैंकले उपलब्ध गराएका नम्बरहरुमा डायल गरेपछि उक्त नम्बरहरुमा १ घण्टी जाने र आफैं फोन काटिने छ, त्यसपश्चात बैंकले ग्राहकले बुझ्न चाहेको जानकारी मोबाइलमा म्यासेज मार्फत पठाउने छ ।

ग्लोबल आइएमई बैंक लि. अत्याधुनिक प्रविधिलाई आत्मसाथ गर्दैै जाने क्रममा यसअघि अत्याधुनिक मोबाइल बैंकिङ सेवा ग्लोबल स्मार्ट, भाईवर बैंकिङ, अंग्रेजी तथा नेपाली भाषामा इन्टरनेट बैंकिङ सुबिधा, अनलाइनमार्फत घरमै अथवा जहाँँकहीँ बसेर बैंक खाता खोल्न सकिने लगायतका सुविधाहरु आफ्ना ग्राहक माझ ल्याईसकेको छ ।

सबै क्षेत्र र वर्ग सम्म बैंकिङ्ग सेवाको पहुँच पु¥याउने उद्धेश्यले बैंकले १३२ शाखा, ५ एक्सटेन्सन काउण्टर, १३८ एटिएम, १५ राजश्व संकलन काउण्टर, १०३ वटा शाखारहित बैंकिङ सेवा र ३ प्रतिनिधि–सम्पर्क कार्यालयमार्फत आफ्ना ९ लाख ५० हजार भन्दा बढि ग्राहकहरु माझ सेवा प्रदान गरिरहेको छ । मेरोलगानीबाट

कमेन्ट गर्नुहोस्

error: Content is protected !!