सार्वजनिक जग्गा कब्जा गर्नेलाई छाडिन्नः मन्त्री अर्याल

स्याङ्जा, असोज २६ । भूमि व्यवस्था, सहकारी तथा गरीबी निवारण मन्त्री पद्ममाकुमारी अर्यालले सार्वजनिक जग्गा हडप्नेलाई कुनै पनि हालतमा नछोड्ने बताएकी छन् ।

 

स्याङ्जा वालिङस्थित मालपोत कार्यालय भवनको शिलान्यास गर्दै उनले यस्तो बताएकी हुन् । यस्तै, मन्त्री अर्यालले पाँच वर्षभित्रमा सुकुम्बासी समस्या समाधान गरिनेसमेत बताइन् ।

 

साथै, उनले जनताको सम्पत्तिको रक्षा गर्ने दायित्व सरकारको रहेको बताइन् । उनले देशभरिका मालपोत कार्यालयमा रहेका लिखत धमिरा लागेर पूरै टुक्राटुक्रा भएको अवस्थामा रहेकाले त्यसलाई स्क्यानिङ गरेर राख्ने गृहकार्यमा सरकार लागेको बताइन् ।

 

मन्त्री अर्यालले सबै मालपोत कार्यालयलाई आइटी प्रणालीमा लैजाने र यसलाई डिजिटलमा ढालेर जनताको सम्पत्ति रक्षा गर्ने अभियानका साथ मन्त्रालय अगाडि बढेको चर्चा गर्दै सार्वजनिक जग्गामाथि कर्केनजर लगाउने र अनेक ढङ्गले सार्वजनिक जग्गा कब्जा गरेर आफ्नो नाममा ल्याएको सूचना आउने वित्तीकै सिधै खारेज हुने कानून बनाउन लागिएको जानकारी दिइन् । -रासस

कमेन्ट गर्नुहोस्

सम्बन्धित् समाचार  कांगेसले किन बोलायो संसदीय दलको बैठक, कारण यस्तो छ-
%d bloggers like this: