प्रदेश न.३ का माझी समुदायलाई आवास निर्माणका लागि सरकारले जग्गा उपलब्ध गराउने

काठमाडौ,कार्तिक १८। प्रदेश न.३ का सामाजिक बिकास मन्त्री युवराज दुलालको विशेष पहलमा भुमी बिहिन माझी समुदायले भुमी प्राप्त गर्ने भएका छन्।

सिन्धुपाल्चोक जिल्लाको इन्द्रावती गाउँपालिका वडा न ५ कोरालटारमा महा- बिनासकारी भुकम्पका कारण भुमी बिहिन भएका अल्पसंख्यक माझी जातिलाई सरकारले भुमी उपलब्ध गराउदै स्थानान्तरण गर्ने भएको हो।

हाल प्रदेश न.३ अन्तर्गत रहेको सामाजिक बिकास मन्त्रालय एबम रास्ट्रीय पुनर्निर्माण प्राधिकरणको उच्च स्थरिय समितिको विशेष पहल पश्चात् तत्कालै ७३ घर परिवार अल्पसंख्यक माझी बस्तिले आभास निर्माणका निमित्त सरकार द्वारा लाभ प्राप्त गर्ने प्रकृया सुरु गरिएको मन्त्री दुलालले जानकारी दिएका छन्।

“हामी यिनै भुमिहिन जनताको निमित्त अहोरात्र खटिएका छौ। तत्कालको लागि केही भुमिहिन जनतालाइ राहत मिले पनि यो प्रर्याप्त भने पक्कै छैन।
म आफै यो विषयमा चिन्तित छु मैले मेरो चुनावी क्षेत्रमा चुनाव जित्नु पहिले नै उक्त कुराको प्रतिबद्धता समेत गरेको थिए।जबसम्म अल्पसंख्यक माझी बस्तिले आफ्नो भुमिमा बस्न पाइयो भनेर गौरव गर्ने छैनन् तबसम्म म आफुलाइ सफल भएको मान्ने छैन”मन्त्री दुलालको भनाइ छ।

भुकम्पका कारण बिस्थापित भएका बाकी घर परिवारको लागि सरकार एबम त्यस अन्तरगतका सम्बन्धित निकायहरुमा आफुले पत्राचार गरि सकेको र आफ्ना क्याबिनेटका सम्पुर्ण सहयोगीहरुलाई समेत तनमनले काम गर्न निर्देशन दिएको मन्त्री दुलालले बताएका छन्।

कमेन्ट गर्नुहोस्

error: Content is protected !!