भारत र अस्ट्रेलियाबीच तीन म्याचको एकदिवसीय शृंखला शनिबारदेखि, कसको छ पल्ला भारी ?

काठमाडौं, पुष २७ । अस्ट्रेलिया र भारतबीच तीन वानडे म्याचहरूको शृंखलाको पहिलो खेल शनिवार सिड्नीमा खेलिँदैछ । दुवै टोलीहरूको तथ्यांक हेर्ने हो भने यो प्रतिस्पर्धा निक रोचक हुने देखिन्छ । भारतले ११ वर्षयता अस्ट्रेलियाको घरेलुमैदान्मा कुनै पनि शृंखला जितेको छैन भने उता अस्ट्रेलियाले पनि टेस्ट शृंखलामा हारको बदला लिने पुरापुर मौका यस शृंखलामा खोज्ने बताइन्छ ।

भारतले यसअघि २००८ मा महेन्द्रसिंह धोनीको नेतृत्वमा अस्ट्रेलियामा सिरिज हात पारेको थियो । त्यस उता उसलाई सधैं हारको मात्रै सामना गर्नु परिराखेको छ । अस्ट्रेलियाका निम्ति भने यसपाली साढेसाती नै लागेको छ ।

बल टेम्परिङको आरोपमा पूर्व कप्तान डेभिड स्मिथ र डेभिड वार्नर एक वर्षका लागि प्रतिबन्धित रहेका छन् भने यस अघि उसले इङ्ल्याण्डविरुद्ध पाँच र दक्षिण अफ्रिकाविरुद्ध तीन खेलका शृंखलाहरू हारिसकेको छ । त्यति मात्र होइन पछिल्ला दुवै शृंखलाका आठ म्याचहरूमध्ये उसले एउटामा मात्र सान्त्वना जीत हात परेको ताजा तथ्यांक रहेको छ ।

के भन्छ तथ्यांकले ?

आइसीसीको ओडीआई ऱ्याङ्किङ्मा अहिले १२६ अङ्कका साथ इङ्ल्याण्ड शीर्षमा रहेकोछ भने १२१ अङ्कका आठ भारत दोस्रो स्थानमा रहेको छ । अस्ट्रेलिया १०० अङ्कका साथ तालिकाको छैठौं स्थानमा रहेको छ । यस वरियातालाई हेर्ने हो भने पलडा भारतको भारी देखिन्छ ।

स्मिथ र वार्नर प्रतिबन्धित भए यताको खँडेरी

स्मिथ र वार्नरमाथि प्रतिबन्ध लागेपछि कम्जोर बनेको अस्ट्रेलियाले उक्त प्रतिबन्ध यताका नौ महिनामा ८ खेल खेलेको थियो र त्यसमा ७ मा हार र एकमा जीत हासिल गरेको थियो । यसरी यस अवधिमा उसको सफलता दर १२.५ प्रतिशत देखिन्छ । उता यसै अवधिमा भारतले खेलेका १४ मध्ये ९ मा जीत र ३ मा हार बेहोरेको छ । यसरी उसको सफलता दर ९५ प्रतिशत देखिन्छ । यसरी नौ महिनाको खेल सफलता दर हेर्ने हो भने पनि भारत नै बलियो देखिन्छ ।

आपसमा भएका खेलमा यस्तो छ अवस्था

तर भारतको र अस्ट्रेलियाको परस्पर खेलिएका खेलहरूको नतिजा हेर्ने हो भने भारतका लागि त्यति सुखद छैन । दुवै टीमहरूले सन् १९८० मा पहिलो एकदिवसीय खेल खेलेका ती दुईले आजसम्म १२८ खेल खेलेका छन् जसमा भारतले ४५ मा र अस्ट्रेलियाले ७३ खेलमा जीत हासिल गरेको छ भने १० खेल नतिजाबिनै टुंगिएका छन् ।

यसरी पछिल्लो २९ वर्षमा भारतको जीतको प्रतिशत ३८.१३ प्रतिशत रहेको छ भने अस्ट्रेलियाको जीतको प्रतिशत ६१.८७ रहेको छ । यसरी समग्र पारस्परिक प्रतिस्पर्धाको नतिजामा भने अस्ट्रेलिया अगाडि रहेको छ ।

अस्ट्रेलियामा सधैं कम्जोर भारत

उता अस्ट्रेलियाको घरेलु मैदानमा भारतको प्रदर्शन अझै निराशाजनक देखिन्छ । उसले हालसम्म अस्ट्रेलियामा अस्ट्रेलिया विरुद्ध खेलेका ४८ खेलमध्ये ११ मा मात्रै जितेको छ भने अस्ट्रेलियाले ३५ खेल जितेको छ । यीमध्ये २ खेल नतिजाबिना नै टुंगिएका थिए ।

यस शृंखलामा दुवै टोलीका सदस्यहरू निम्नानुसार रहेका छन्:
भारत: विराट कोहली (कप्‍तान), रोहित शर्मा, लोकेश राहुल, शिखर धवन, अंबाती रायुडू, दिनेश कार्तिक, केदार जाधव, महेंद्र सिंह धोनी, हार्दिक पंड्या, कुलदीप यादव, युजवेंद्र चहल, रविंद्र जडेजा, भुवनेश्‍वर कुमार, खलील अहमद, मोहम्‍मद शमी, मोहम्‍मद सिराज।

अस्‍ट्रेलिया: एरोन फिंच (कप्‍तान), उस्‍मान ख्‍वाजा, शन मार्श, पीटर हैंड्सकोम्ब, ग्‍लेन मैक्‍सवेल, एश्‍टन टर्नर, मार्क्स स्‍टोइनिस, एलेक्‍स करी, जे. रिचर्डसन, बिली स्‍टेनलेक, जेसन बेहरेनडर्फ, पीटर सिडल, नाथन लियोन, एडम जम्‍पा ।

कमेन्ट गर्नुहोस्

error: Content is protected !!