महिला भलिबलमा नेपाल पुलिस र एपिएफकाे अंक बराबरी

काठमाडौं । विभागीय टोली नेपाल पुलिस क्लबले रेडबुल ढोरपाटन डलब लिग महिला भलिबलमा शीर्ष टोली एपीएफसँग अंक बराबरी गरेको छ ।

नयाँबसपार्क स्थित ढोरपाटन क्लबको कोर्टमा शुक्रबार भएको खेलमा पुलिसले आयोजक ढोरपाटन क्लबलाई ३–० को सोझो सेटमा हरायो । पुलिसले ढोरपाटनमाथि २५–८, २५–३, २५–२ को नतिजा निकालेको थियो ।

अपराजित पुलिसले ५ खेलबाट १५ अंक बनाएको छ । एपीएफको पनि १५ अंक छ । पोखराले दोहोरो जित निकाल्नयो । पश्चिमाञ्चल टोली पोखराले पहिलो खेलमा थाहा नगरपालिकालाई २५–३, २५–६, २५–११ ले हरायो । दोस्रो खेलमा श्रीगाँउ दाङमाथि २५–१४, २५–१४, २५–१० को सहज जित निकाल्यो । जितसँगै पोखराले तीन खेलबाट ७ अंक बनाएको छ ।

सुक्रबारनै भएको अर्काे खेलमा सेबले चितवन टाइग्रेसलाई २५–२३, २५–२१, २५–१४ को सेटमा हरायो । अर्को खेलमा चितवनले थाहा नगरपालिकालाई २५–१३, २५–११, २५–१२ को सेटमा पराजित गर्यो ।

कमेन्ट गर्नुहोस्