धनगढी प्रिमियर लिगः विराटनगर र रुपन्देही भिड्दै [LIVE]

काठमाडौं, माघ २९ । धनगढीको फाफ्ला क्रिकेट मैदानमा जारी धनगढी प्रिमियर लिग (डीपीएल) अन्तर्गत दोस्रो दिनको दोस्रो खेलमा रुपन्देही च्यालेन्जर्स विरुद्ध टस जितेर विराटनगर किंग्सले ब्याटिङ गरिरहेको छ । विराटनगरको यो पहिलो खेल हो । रुपेन्देहीले भने अहिले दोस्रो खेल खेल्दैछ ।

उसले पहिलो खेलमा महेन्द्रनगर युनाइटेडलाई २ रनले पराजित गरेको थियो । करण केसीको कप्तानीमा रहेको विराटनगर किंग्समा युवा खेलाडीको बाहुल्य छ । करणले पहिलोपटक टिमको कप्तानी पाएका हुन् ।

भारतीय खेलाडी अविनास यादव र शिभकान्त शुक्लालाई बिराटनगरले हायर गरेको छ । ब्याटिङमा आसिफ सेख, राजेश पुलामी, हरिशंकर शाह, कुशल भुर्तेल, पृथु बाँस्कोटा लगायत रहेका छन् ।

लाइभ खेल हेर्न यहाँ क्लिक गर्नुस्

बसन्त रेग्मीको कप्तानीमा रहेको रुपन्देही च्यालेन्जर्समा अनुभवी खेलाडीहरु भरिभराउ छन् । बसन्त रेग्मी, प्रदीप ऐरी, विनोद भण्डारी र भीम सार्की गरी चार जना राष्ट्रिय टिमका खेलाडी छन् ।

त्यस्तै, ललित भण्डारी नेपाली राष्ट्रिय टिमबाट खेलिसकेका खेलाडी हुन् । पाकिस्तानका राजा अलि डर र हङकङका कप्तान बाबर हायतको आगमनसँगै यो टिमको मनोबल झनै उच्च भएको हुनुपर्छ । बाबर हायात कुनै पनि बलरलाई हायल-कायल पार्न सक्ने ब्याट्सम्यान हुन् । उनी एक्लै आफ्नो टिमलाई जिताउने क्षमता राख्छन् । ललित भण्डारी, प्रदीप ऐरी, पुरन विके, सन्दीप सुनार, अनिल खरेल, सुमित महर्जन, विनोद भण्डारी, कृष्ण कार्की, सुरज दराई, विक्रम सोब, भीम शार्की, शेर मल्ल ।

सर्वाधिक पुरस्कार राशिको डीपीएल विजेताले ३० लाख, उपविजेताले १२ लाख, तेस्रो हुनेले ४ लाख तथा चौथो हुने टोलीले २ लाख पाउने छन् । यस्तै, ‘मोष्ट भेल्युवल प्लेयरले गोल्डस्टार’ प्राप्त गर्नेछ ।

कमेन्ट गर्नुहोस्

error: Content is protected !!