सुदूरपश्चिम प्रदेश प्रमुख मल्ललाई थप उपचारका लागि भारत लगियो

काठमाडौं, फागुन १६ । त्रिवि शिक्षण अस्पतालमा केही दिनदेखि उपचाररत सुदूरपश्चिम प्रदेशका प्रमुख मोहनराज मल्ललाई थप उपचारका लागि आज एयर एम्बुलेन्समार्फत भारत लगिएको छ ।

फागुन पहिलो हप्तादेखि बिरामी भई शिक्षण अस्पतालको आईसीयू ९सघन उपचार कक्ष०मा उपचाररत् प्रदेश प्रमुख मल्लको स्वास्थ्यमा सुधार नदेखिएपछि भारतको मेदान्त अस्पताल लगिएको उनका स्वकीय सचिव धनसिंह क्षेत्रीले जानकारी दिए । ७१ वर्षीय प्रदेश प्रमुख मल्ललाई कडा खालको निमोनिया र फोक्सोमा सङ्क्रमण देखिनुका साथै श्वासप्रश्वासमा समस्या देखिएको छ ।

शिक्षण अस्पतालका चिकित्सक डाक्टर पङ्कज पन्त र डाक्टर निरज बमलगायतको चिकित्सकको टोली उनको उपचारमा संलग्न थियो । बिरामी भएपछि यही फागुन ५ गते धनगढीको निसर्ग अस्पतालमा उपचारका लागि उनलाई लगिएकामा त्यही राति थप उपचारका लागि काठमाण्डौ ल्याइएको थियो ।

कमेन्ट गर्नुहोस्