धनगढीमा ‘स्मृति वृक्ष बाटिका’को उद्घाटन

कैलालीः आफ्नो र आफ्ना आफन्तहरुको सम्झनामा बिरुवा रोप्न पाउने गरि निर्माण हुन लागेको स्मृति बृक्ष बाटिकाको शनिवार एक कार्यक्रमकाबीच उद्घाटन गरिएको छ । धनगढी उप–महानगरपालिकाका प्रमुख नृपबहादुर वडले स्मृति बृक्ष रोपेर बाटिकाको उद्घाटन गरेका हुन् ।

उप–महानगरपालिका, इरिन्च नेपाल र कैलाली बहुमुखी क्याम्पसको साझेदारीमा वडा नं. ८ मा स्मृति बृक्ष बाटिका निर्माण भइरहेको हो । बाटिकाको नाम कैलाली बहुमुखी क्याम्पस स्मृति बृक्ष बाटिका राखिएको छ । बाटिका निर्माणका लागि कैलाली बहुमुखी क्याम्पसले जमिन उपलब्ध गराएको हो ।

याे पनि पढ्नुस  धनगढीमा बजार अनुगमन, फेला परे म्याद नाघेका खाद्यवस्तु

स्मृति बृक्ष बाटिकाका कुनै पनि ब्यक्तिले आफ्नो जन्मदिन, आफुन्तको जन्मदिन बा कुनै त्यस्तो पुण्य तिथीमा बृक्ष लगाउन पाउने नगरप्रमुख नृपबहादुर वडले बताए । इरिन्च नेपालका अभिषेक नेपालले धनगढी उप–महानगरपालिकाका बिभिन्न स्थानमा यस्तै स्मृति बृक्ष बाटिका तयार गर्ने कुरामा छलफल भइरहेको बताए ।

स्मृति बृक्ष बाटिका निर्माण गर्ने कुरा नयाँ अवधारणा भएको उनले बताए । उप–हानगरपालिकाका डिभिजनल इन्जिनियर दिजराज भट्टले बाटिकाको क्षेत्रफल झण्डै २ बिगाहा रहेको जानकारी दिए ।

 

कमेन्ट गर्नुहोस्

error: Content is protected !!