कतारमा कलाकारलाई सम्मान

दोहा । नेपालबाट कार्यक्रमको लागि कतार पुगेका कलाकारलाई मंगलबार एक कार्यक्रमका बीच सम्मान गरिएको छ ।

बागलुङ सेवा समाज कतार र विश्वकर्मा सेवा समाज कतारले संयुक्तरुपमा चर्चित कलाकार प्रकाश सपुत, योगेस काजी र मोडल रिमा काउछा मगरलाई सम्मान गरेको हो ।

कार्यक्रममा बोल्दै प्रमुख अतिथि अन्तर्राष्ट्रिय बागलुङ सेवा समाजका अध्यक्ष, कतारका संरक्षक एवं समाजसेवी होमनाथ शर्माले कलाकारले नेपालको कला र संस्कृतिको संरक्षण गर्दै सम्पुर्ण नेपालीलाई एकतामा बाँध्ने हुँदा सबैले उनीहरुको सम्मान गर्नुपर्ने बताए । बागलुङ जिल्ला आफैमा कलाकारको उर्वर भूमि रहेकोमा आफूहरुलाइ गर्व लाग्ने गरेको भन्दै शर्माले बागलुङ सेवा समाज कतारले पनि कलाकारलाई निरन्तर हौसला र सम्मान प्रदान आइरहेको बताए ।

याे पनि पढ्नुस  कतार नेपाली एकता समाजद्वारा दुर्गा खरेललाई विदाई

सम्मान ग्रहण गरेपछि बोल्दै कलाकारहरुले प्रदेशमा रहेर पनि आफ्नो ब्यस्तताको बीच नेपाली गीत संगीतप्रतिको मायाले आफुहरुलाइ सधै हौसला मिलेको बताए । आफनो परिवारबाट टाढा रहेर पनि नेपाली कला–संस्कृतिको संरक्षणमा निरन्तर लाग्दै विभिन्न कार्यक्रम गरेर कलाकारलाई यति धेरै माया गरेको भन्दै आभार व्यक्त गरेका थिए ।

बागलुङ सेवा समाजका अध्यक्ष सागर पौडेलको अध्यक्षतामा सम्पन्न कार्यक्रममा विश्वकर्मा सेवा समाज कतारका सल्लाहकार संयोजक प्रेम कुमार बिक, बागलुङ सेवा समाजका प्रमुख सल्लाहकार चन्द्रकान्त शर्मा, राष्ट्रिय लोक तथा दोहोरी गीत प्रतिष्ठान कतार शाखाका कार्यबहाक अध्यक्ष शक्ति क्षत्री, टेकसागर बिश्वकर्मा लगाएतले मन्तव्य राखेका थिए ।

याे पनि पढ्नुस  कतार नेपाली एकता समाजद्वारा दुर्गा खरेललाई विदाई

विश्वकर्मा सेवा समाज कतारका अध्यक्ष गमबहादुर विश्वकर्मले स्वागत गरेको कार्यक्रमको संचालन महासचिव कृष्ण गदालले गरेका थिए । सोही अवसरमा राष्ट्रिय लोक तथा दोहोरी गीत प्रतिष्ठान कतार शाखाले प्रतिष्ठानको उपत्यका समन्वय समितिका सचिव समेत रहेका चर्चित कलाकार प्रकाश सपूत, योगेश काजी र लगाएतलाइ सम्मान गरेको थियोे । प्रतिष्ठान कतार शाखाका कार्यवाहक अध्यक्ष शक्ति क्षत्री, सचिव शिवराम ढकाल लगायतले दोसल्ला ओढाएर सम्मान गरेका हुन ।

कमेन्ट गर्नुहोस्

error: Content is protected !!