लोकमानले दिए नेताहरूको शरीरको वस्त्र उतार्ने धम्की

काठमाडौं, पुस ७ । अख्तियार दुरूपयोग अनुसन्धान आयोगका निलम्बित प्रमुख आयुक्त लोकमानसिंह कार्कीले आफूमाथि षडयन्त्र भएको बताएका छन्।
सर्वोच्च अदालतमा कालोमोसो दलिएको केहीबेरमै आफ्नो आधिकारीक फेसबुक पेजमा वक्तव्य राख्दै उनले भ्रष्टाचारलाई जरैबाट अन्त्य गर्न खोजेकै कारण आफूविरुद्ध षडयन्त्र भएको उल्लेख गरेका छन्।
उनीमाथि कालो मोसो दलिएको करिब १५ मिनेटपछि फेसबुकमा आएको साढे पन्ध्र सय शब्दको वक्तव्य पोष्ट गरेका छन् ।
वक्तव्यमा कालो मोसोको प्रसङ्ग भने उल्लेख छैन। यो वक्तव्य हेर्दा पहिले नै तयार गरिएको र कालो मोसो दलेपछि वक्तव्य आउनु संयोगजस्तो मात्रै देखिन्छ।
यो वक्तव्य कार्कीविरुद्ध सर्वोच्च अदालतमा रहेको मुद्धामा अन्तिम सुनुवाइ सुरु भएको दिन आएको छ। सुनुवाईकै दिनलाई लक्षित गरेर यो वक्तव्य तयार पारेको देखिन्छ।
वक्तव्यमा उनले लेखेका छन्,’म यतिबेला धेरै तथ्यपूर्ण रहस्यका पोकाहरू खोल्न चाहन्नँ। तर जनताले मागेको र देशले चाहेको उपयुक्त समयमा सम्पूर्ण तथ्य विवरण जनसमक्ष पेश गर्न म हिचकिचाउने छैन।’
उनले चेतावनीको भाषामा लेखेका छन्, अख्तियार दुरुपयोग अनुसन्धान आयोगको प्रमुखका रुपमा भ्रष्टाचार नियन्त्रणका निम्ति गरिएका प्रयासलाई अवरोध पुर्याईन्छ भने सचेत नेपाली नागरिकका रुपमा भ्रष्टाचार बिरुध्दको अभियान चलाउनु मेरो स्वभाविक कर्म हुनेछ । त्यसवेला कतिको शरीरमा वस्त्र बाँकी रहला समयले नै बताउने छ।

कमेन्ट गर्नुहोस्