एमालेले नेपाली जनतालाई भारतीय देख्न थाल्यो– नेता पौडेल

तनहुँ,पुस १७ । कांग्रेसका वरिष्ठ नेता रामचन्द्र पौडेलले जनतालाई भारत देख्ने एमालेको सोच गलत भएको बताएका छन् ।

प्रेस युनियन, तनहुँ शाखाले आइतबार बिहान दमौलीमा आयोजना गरेको पत्रकार सम्मेलनमा नेता पौडेलले आफू सरकारमा रहँदा संविधान संशोधन गरेर मधेसी जनताको माग सम्बोधन गर्नुपर्छ भन्ने एमाले सत्ताबाट बाहिरिएपछि एकाएक संशोधनबाट भागेको आरोप लगाए ।

याे पनि पढ्नुस  पौडेल भन्छन्–‘जनआन्दोलनबाट प्राप्त उपलब्धि जोगाउन स्थानीय तहको चुनाव’

संशोधनबाट भाग्नु र संसद् चल्न नदिनु भनेको मधेसको उपेक्षा गर्न खोजिएको आभास हुन्छ पौडेलले भने ।
मधेसका असन्तुष्ट पक्षलाई सबै पार्टी मिलेर समाधान गर्नुको विकल्प छैन भन्दै नेता पौडेलले काँग्रेस, एमाले र माओवादी केन्द्र्र मिलेर नै संविधान जारी गरिएकाले संशोधनका लागि मिल्नु आवश्यक रहेको विचार व्यक्त गरे ।

याे पनि पढ्नुस  नेता पौडेल सोध्छन्– निर्मला पन्त हत्याकाण्डको छानविन प्रतिवेदन किन लुकाइयो ?

देश अहिले फरक मोडबाट अघि बढिरहेको भन्दै नेता पौडेलले स्थानीय निकायको चुनाव जतिसक्दो चाँडो गर्नुपर्नेमा जोड दिए । रासस

कमेन्ट गर्नुहोस्