पालुङटार नगरपालिकाको आर्थिक वर्ष २०७४÷७५ को नीति, कार्यक्रम तथा बजेट मंगलबार सार्वजानिकीकरण कार्यक्रमको उद्घाटन गर्दै मन्त्री पाण्डेले भने –“संविधानमा उल्लेख भएअनुसार २०७४ माघ ७ सम्म गाउँपालिका, नगरपालिका, प्रदेश र केन्द्रको निर्वाचन गर्ने गरी सरकारले गृहकार्य गरिरहेको छ ।”

स्थानीय तहको निर्वाचन गरेर संविधान कार्यान्वयनमा जाने उनको भनाइ छ । संविधानको स्वीकार्यता बढाउन संशोधन आवश्यक रहेको उल्लेख गर्दै मन्त्री पाण्डेले व्यवस्थापिका–संसद्मा दर्ता भएको संशोधन प्रस्ताव पारित हुने बताए ।

उनले पालुङटारस्थित विमानस्थल पुनः सञ्चालनमा ल्याउन, पालुङटार, च्याङ्लीटार, रातमाटेलगायत क्षेत्रमा दरौँदी, चेपे वा मस्र्याङ्दी नदीबाट पानी ल्याएर सिँचाइका लागि आवश्यक बजेट विनियोजन गर्न पहल गर्ने बताए ।

पालुङटारमा ‘स्मार्ट सीटी’ बनाउने गरी अहिलेदेखि नै गुरुयोजना बनाएर विकासका पूर्वाधार खडा गर्नेतर्फ नगरपालिकाले विशेष भूमिका खेल्नुपर्ने र नगरवासीले सहयोग गर्नुपर्नेमा उनको जोड थियो ।

सो अवसरमा नगरपालिकाका कार्यकारी अधिकृत राकेश गुरुङले आव २०७४÷७५ का लागि रु ११ करोड ७१ लाख चार हजार ८०० को नीति, कार्यक्रम तथा बजेट सार्वजनिक गरेका थिए । रासस