काठमाडौ, पुस २४ । मंसीर १४ गतेदेखि अवरुद्धहुँदै आएको व्यवस्थापिका बैठक आजबाट सुचारु भएको छ प्रमुख प्रतिपक्षी एमालेलगायत ९ दलको अवरोधका बीच पनि सभामुख संसदमा दुईवटा विधेयक पेश भएका छन् । वैठकमा लोकमानसिंह कार्कीमाथिको महाभियोगलाई बहुमतमार्फत समितिमा दर्ता गराइएको छ ।
सरकारले एमालेसहित विपक्ष दलका ९ राजनीतिक दलका सांसदहरुको हो हल्लाबीच संविधान संशोधन विधेयक टेबल गरेको छ भने सभामुखले हो हल्लाका बीचमा पनि संसद्को बैठक अघि बढाएकी हुन् ।
संविधान संशोधन विधेयकको कार्यसूचीमा प्रवेश गर्नासाथ एमालेसहितका विपक्षी दलहरु उठेर विरोध गरेका थिए । सभामुखले कार्यसूची अगाडि बढाएपछि विपक्षी दलका सांसदहरुले नाराबाजी समेत गरेका थिए। सभामुखले संशोधनविरुद्ध परेको प्रेम सुवाल र चित्रबहादुर केसीको विरोधको सूचना बुहमतले अस्वीकृत भएको घोषणा गरिन् ।
त्यसपछि कानुनमन्त्री अजय शंकर नायकले संविधान संशोधन प्रस्ताव टेबल गरे। संविधान संशोधन विधेयक टेबल भएसँगै व्यवस्थापिका वैठक पुनः भोलिसम्मका लागि स्थगित गरिएको हो ।
