रुस्लान कप क्रिकेटः आर्मी र पुलिस सेमिफाइनलमा

काठमाडौँ, २९ पुस । कीर्तिपुरमा जारी दोस्रो रुस्लान कप क्रिकेट प्रतियोगितामा नेपाल आर्मी सेमिफाइनलमा प्रवेश गरेको छ ।

त्रिवि क्रिकेट मैदानमा आज भएको खेलमा पिसी फाइटरले दिएको ४६ रनको चुनौतीलाई आर्मीले चार ओभरमा कुनै विकेट नै नगुमाई भेट्टायो । आर्मीको जितमा सागर पुनले ३६ रनको योगदान दिए भने सोमपाल कामीले अविजित ३ रन जोडे ।

त्यसअघि टस जितेर पहिले ब्याटिङ गरेको पिसी फाइटरले १७ ओभरमा अलआउट हुँदै ४५ रन जोड्यो । पिसी फाइटरका ब्याट्सम्यान विजय सुनारले ११ रन जोड्नेबाहेक अन्य ब्याट्सम्यानले अङ्क जोड्न सकेनन् ।

पिसी फाइटरलाई कमैमा समेट्ने क्रममा आर्मीका अविनाश कर्णले एक्लैले चार विकेट लिए भने कामीले ३ विकेट लिए । त्यसैगरी लोकेन्द्र चन्दले दुई तथा जितेन्द्र मुखियाले एक विकेट लिए ।

सोही मैदानमा आजै भएको अर्को खेलमा नेपाल पुलिस क्लबले हिमालयन ह्वाइट हाउस कलेजलाई आठ विकेटले पराजित गर्दै सेमिफाइनलमा प्रवेश गरेको छ ।

कमेन्ट गर्नुहोस्

%d bloggers like this: