यस्तो थियाे दुई देशका ऊर्जामन्त्रीबीच कुराकानी

अबुधावी, माघ ३ । नेपालका तर्फबाट ऊर्जामन्त्री जनार्दन शर्मा ‘प्रभाकर’ र संयुक्त अरब इमिरेट्सका ऊर्जामन्त्री सुहेल महम्मद अल मजौरीबीच आज भेटवार्ता भएको छ ।
अबुधावीस्थित उर्जा मन्त्रालयमा भएको सो भेटवार्तामा नेपालमा जल उर्जा उत्पादनको क्षेत्रमा गर्न सकिने सहकार्यका विषयमा कुराकानी भएको त्यहाँ स्थित नेपाली राजदुतावासका सहचारी केशवराज पोख्रेलले जानकारी दिएका छन् ।

वल्र्ड फ्युचर इनर्जी समिट २०१७ मा भाग लिन युएई पुगेका उर्जामन्त्री शर्माले कम्तीमा आगामी एक सय वर्षसम्मको लागि नेपालमा हाइड्रो पावर विकासको राम्रो संभावना रहेको उल्लेख गर्दै त्यसमा लगानी गर्न युएई सरकारलाई आग्रह गरेका थिए ।

याे पनि पढ्नुस  ऊर्जामन्त्री शर्माले खोले देश विकास नहुँनुको कारण

त्यहाँका ऊर्जामन्त्री मजौरीले नेपालमा हाइड्रो पावरमा लगानी गर्न आफूहरु पनि इच्छुक रहेको भन्दै त्यसको लागि दुबै पक्षबीच औपचारिक प्रक्रिया शुरु गर्न सकिने बताइए ।
झण्डै करिब ४५ मिनेट भएको भेटवार्ताको क्रममा युएईका ऊर्जामन्त्री मजौरीले हाइड्रो पावरका अतिरिक्त नेपालमा कृषि र पर्यटनमा लगानी गर्न आफुहरु इच्छुक रहेको जानकारी दिए । उनले दीगो ऊर्जा विकासका लागि हाइड्रो पावर र सोलार पावरलाई एकीकृत गरेर अघि बढाउन नेपाललाई सुझाव दिए ।

याे पनि पढ्नुस  मुलुकमा विद्युत क्रान्ति शुरु भयोः ऊर्जामन्त्री शर्मा

अबुधावीमा जारी वल्र्ड फ्युचर इनर्जी समिटमा नेपालको तर्फबाट प्रधानमन्त्री पुष्पकमल दाहाल प्रचण्ड र ऊर्जामन्त्री जनार्दन शर्माले भाग लिएका छन् । समिटमा पेट्रोलियम र हाईड्रो ऊर्जालाई क्रमश सौर्य उर्जा र वायोग्याँसले विस्थापित गर्दै लैजाने विषयमा छलफल केन्द्रीत हुने बताइएको छ ।

याे पनि पढ्नुस  ऊर्जामन्त्री शर्माले भने–‘राष्ट्रवादको नाराभित्र राष्ट्रघाति काम भइरहेको छ’

यस्तै समिटमा सन् २०५० सम्ममा बायोग्यास र सौर्य उर्जाको उत्पादन बढाएर ९० प्रतिशत पुर्याउने र अन्य उर्जालाई १० मा सीमित पार्ने लक्ष कार्यन्वयनका विषयमा गहन छलफल गर्ने कार्यक्रम रहेको छ । एक सातासम्म चल्ने इनर्जी समिटमा एक सय ५० राष्ट्रका प्रमुख, सरकार प्रमुख तथा मन्त्रीहरुले भाग लिएका छन् ।

कमेन्ट गर्नुहोस्