संचारको दुनियाँमा ‘जनभाव’ को सुरुवात

उदयपुर, माघ ३ । संचार क्षेत्रमा अर्काे एउटा नयाँ पत्रिकाको जन्म भएको छ । उदयपुरबाट प्रकाशन सुरु गरेको उक्त नयाँ पत्रिका ‘जनभाव दैनिक’को एक समारोहबीच विमोचन गरिएको छ । कार्यक्रममा नेपाल पत्रकार महासंघका केन्द्रिय महासचिव उजिर मगरले पत्रिको सफलताको शुभकामना दिँदै पत्रकारहरुको रक्षा गर्दै अघि बढ्ने सञ्चार गृह सदैव सफल हुने बताएका छन् ।

उनले मोफसलमा पत्रिका प्रकाशन गर्नुभन्दा प्रशासन गृहमा काम गर्ने पत्रकारप्रति गम्भिर बन्ने मिडिया हाउस अति राम्रो भएको बताएका हुन् । उनले भने, ‘प्रकाशन गर्ने कामभन्दा पनि श्रमजीवि पत्रकारप्रति सञ्चार गृह गम्भिर बन्नुपर्छ । त्यो मिडिया हाउस सदैव सफल हुनेछ ।’

याे पनि पढ्नुस  उदयपुर बेलका नगरपालिकाकाे पछिल्लाे परिणाम

समाज रुपमान्तरण गर्ने सञ्चार माध्यमका पत्रकार महत्वपूर्ण अंगको रुपमा लिनुपर्ने बेला आएको भन्दै जनभावको टिमले परिवर्तनको उक्त बाटोलाई अंगाल्नेमा आशावादी रहेको मगरको भनाई थियो ।

अमर मिडिया प्राईभेट लिमिटेड उदयपुरद्वारा प्रकाशित उक्त दैनिकको बिमोचन समारोहमा बोल्दै मगरले ‘नेपाल पत्रकार महासंघको निर्वाचनबाट श्रमजीवि पत्रकारमुखी नेतृत्व आउने समेत बताएका थिए ।’

याे पनि पढ्नुस  पचास हजार घुससहित रंगेहात पक्राउ नापीका प्रमुख

फरक प्रसंगमा बोल्दै मगरले भने, ‘विभिन्न राजनीतिक दलसंग आवद्ध पत्रकारले पत्रकारकै हकहितको नेतृत्व ल्याउने कोशिस गर्ने बेला पनि आएको छ ।’ एक महिनाभित्र हुने पत्रकार महासंघको निर्वाचनमा श्रमजीवी पत्रकारको एक हुनुपर्ने बेला आएको मगरको भनाइ छ ।

कार्यक्रममा प्रेस सेन्टर नेपालका केन्द्रिय महासचिव बिष्णु सापकोटा ‘जुगल’ले नयाँ नेपाल निर्माणमा केन्द्रका मिडिया हाउसभन्दा मोफसलका मिडिया एक कदम अगाडि भएको बताएका छन् ।

जनभावलाई शुभकामना मनतव्य दिदै उदयपुरका प्रमुख जिल्ला अधिकार कालिप्रसाद पराजुलीले सत्य, निषपक्ष समाचार प्रकाशन गर्न जनभाव टिमलाई सहयोग गराएका थिए । यसैगरी नेपाल पत्रकार महासंघ शाखा उदयपुरका अध्यक्ष कुशलबाबु बस्नेतले समाज रुपान्तरणमा जनभाव दैनिक जनताको भवनामा डुबेर व्यवसायी पत्रकारिता गर्न आग्रह गरेका थिए ।

याे पनि पढ्नुस  उत्पादनमा कमी आएपछि आँपको मूल्यमा दोब्बरले वृद्धि

जिल्लाबाट नियमित रुपमा प्रकाशन हुने अन्य पत्रिकाहरुको भीडमा जनभाव पनि आएको र यसले सबैभन्दा फरक बिचार र फरक समाचारको व्यवसायमा लाग्ने पत्रिकाका सम्पादकको भनाई थियो ।

कमेन्ट गर्नुहोस्