कार्यवाहक प्रधानमन्त्रीले भने, ‘एमालेले मधेसमा भ्रम सिर्जना गर्न खोज्दैछ, सावधान !’

वीरगन्ज, ३ माघ । कार्यबाहक प्रधानमन्त्री एवं गृहमन्त्री विमलेन्द्र निधिले एमालेले तराईमा भ्रम सिर्जना गर्न खोजेको भन्दै सावधान रहन आफ्ना कार्यकर्ताहरुलाई निर्देशन दिएका छन् ।

नेपाली काँग्रेस, पर्साका कार्यकर्तालाई सम्बोधन गर्दै सोमबार मन्त्री निधीले सो निर्देशन दिएका हुन् । उनले भने, ‘संविधान संशोधन प्रक्रिया अगाडि बढिरहेका बेला नेकपा (एमाले)ले भने मधेसमा भ्रम सिर्जना गरिरहेका छ ।’ उनले उक्त भ्रमप्रति सजग रहन सबैसँग आग्रह गरे । उनीले अब जुनसुकैबेला पनि स्थानीय निकायको निर्वाचन हुन सक्ने भएकाले निर्वाचनका लागि कर्मचारीहरुलाई तयारी रहन आग्रह गरे ।

याे पनि पढ्नुस  शान्तिसुरक्षाको भरपर्दाे व्यवस्था मिलाइएको छ: गृहमन्त्री

जिल्ला प्रशासन कार्यालय, पर्सामा कार्यालय प्रमुखहरुलाई निर्देशन दिँदै मन्त्री निधिले संविधान संशोधन प्रक्रिया अगाडि बढिसकेकाले जुनसुकै बेला स्थानीय निकाय निर्वाचनका घोषणा हुनसक्ने विश्वास व्यक्त गरे ।

आर्थिक कारोबारका लागि वीरगन्ज राष्ट्रियस्तरमा महत्वपूर्ण भएकाले यहाँ भइरहेका विकासका कामलाई दु्रत गतिमा अगाडि बढाउनुपर्नेमा जोड दिँदै मन्त्री निधिले पुँजीगत खर्च भएन भन्ने विषय बारम्बार मन्त्रिपरिषद्को बैठकमा उठ्ने गरेकाले पुँजीगत खर्चमा वृद्धि गरी राजस्व वृद्धिमा ध्यान दिनुपर्ने बताए । उनले एउटै ज्ञापनपत्रमा व्यापारीहरुले पटकपटक सामान आयात गर्ने गरेकाले सम्बन्धित निकायले यस्तो कार्यलाई रोक्नुपर्ने बताए ।

याे पनि पढ्नुस   देउवाजीले राजीनामा दिन आवश्यक छैन : विमलेन्द्र निधि

यसअघि मन्त्री निधिले मध्यमाञ्चलका सुरक्षा निकायका प्रमुखहरुसँग सुरक्षास्थितिबारे जानकारी दिँदै सुरक्षा व्यवस्थालाई चुस्त दुरुस्त पर्न निर्देशन दिइका थिए ।

कमेन्ट गर्नुहोस्