रोल्पा काँग्रेसको पार्टी कार्यालय बनाउन शान्ति मन्त्रालयको बजेट !

रोल्पा, माघ ४ । नेपाली काँग्रेस रोल्पाले पाटी कार्यालय भवन बनाउन शान्ति मन्त्रालयको बजेट निकासा तयारी गरेको छ । करिब रु तीन करोड ५० लाख लगानीमा आधुनिक पार्टी कार्यालय निर्माण थालनी गरेको उक्त पार्टीले पचास लाख भन्दा बढी रकम शान्ति मन्त्रालयबाट निकासा गर्न निर्णय गराइसकेको छ । शान्ति मन्त्रालयले द्वन्द्वको क्रममा क्षति भएका भवनहरुको पूननिर्माण र द्वन्द्वमा ज्यान गुमाएका शहीद परिवारलाई राहत दिने, पीडित परिवारलाई राहत तथा तालिम दिनको लागि बिनियोजन गर्नुपर्ने व्यवस्था रहेको छ ।

याे पनि पढ्नुस  गच्छदारलाई उपसभापति बनाउने देउवाको निणर्यप्रति विमलेन्द्र रुष्ट

सांसद विकास कोषबाट रु ५० लाख, पार्टी गाउँ कमिटीबाट रु एक/एक लाखका दरले रु ५० लाख, विदेशमा रहेका रोल्पालीबाट रु ५० लाख तथा सहरी विकास मन्त्रालय एवम् शान्ति मन्त्रालयबाट समेत सहयोग प्राप्त हुने गरी भवन निर्माण गर्न लागिएको नेपाली काँग्रेस रोल्पाका सभापति अमरसिं पुनमगरले जानकारी दिए ।

याे पनि पढ्नुस  कांग्रेसको निर्णय- निर्वाचन र संशोधन सँगसँगै लाने

अपाङ्गमैत्री एवम् लिफ्ट प्रणालीको रहने सो भवन साढे तीन तलाको हुने बताइएको छ जसको पहिलो तलामा पार्टी कार्यालय, दोस्रो तलामा हल, तेस्रो तलामा सुशील कोइराला स्मृति गेस्ट रुम र अन्तिम तलामा पार्टी सभापतिको निजी आवास रहने भएको छ ।

दिवङ्गत पूर्व पार्टीसभापति सुशील कोइराला जिल्ला भ्रमणका दौरान कहिल्यै होटल तथा लजमा नबसी कार्यकर्ताको घरमा बस्ने गरेको हुँदा उहाँको स्मरणमा पार्टीले गेस्ट रुम वनाउन लागेको सभापति पुनले बताए ।

याे पनि पढ्नुस  कांग्रेस शीर्ष नेताको कार्यकर्तालाई निर्देशन-‘पहिलो पार्टी हुनेगरी चुनावमा लाग्नू’

पार्टीले जिल्लामा रहेका भ्रातृ सङ्गठनका लागि छुट्टै भवन निर्माण गरिरहेको नेपाली काँग्रेस रोल्पाका कोषाध्यक्ष खटकबहादुर खत्री ‘तोरावोरा’ले जानकारी दिए । निर्माणाधीन सो कार्यालय तीन वर्षभित्र सम्पन्न गरिने नेपाली काँग्रेस रोल्पाले जनाएको छ ।

फाइल तस्वीर नेपाली कांग्रेसको केन्द्रीय कार्यालय

कमेन्ट गर्नुहोस्