एमाले होमियो चुनावमा, शीर्ष नेता देश दौडाहामा

‘चुनाव नगराउन सरकारले विधेयक ल्यायो- महासचिव पोखरेल

विराटनगर, माघ ४ । एमालेले चुनावको लागि सबै शीर्ष नेतालाई उपत्यका बाहिर पठाएको छ । सरकारले निर्वाचन विधेयक अघि बढाएपछि एमाले चुनावमा होमिएको हो । एमालेले आफ्नो कमजोर रहेको तराईका जिल्लामा प्रशिक्षण र सभा गर्ने भएको छ ।

केहीदिनदेखि पार्टी अध्यक्ष केपी शर्मा ओली राजधानी बाहिर रहेका छन् । त्यस्तै बरिष्ठ नेता माधवकुमार नेपाल पनि उपत्यका बाहिरको कार्यक्रममा नेता तथा कार्यकताृ भेटघाटमा रहेका छन् । त्यस्तै प्रभावशाली युवा नेताहरु गोकर्ण विष्ट र योगेश भट्टराई पनि तराईका जिल्ला जाने कार्यक्रम तय भइसकेको छ ।

याे पनि पढ्नुस  उपप्रधानमन्त्री पोखरेल लेवनान प्रस्थान

नेकपा (एमालेका)का महासचिव ईश्वर पोखरेलले निर्वाचनका लागि आवश्यक कानुनको निर्माण नभएका अवस्थामा निर्वाचनको तिथि घोषणा गर्दैमा निर्वाचन हुन नसक्ने बताएका छन् ।

विराटनगर विमानस्थलमा आज सञ्चारकर्मीसँग कुरा गर्दै उनले संविधान संशोधनको प्रस्तावका सम्बन्धमा पार्टीको पुरानै अडान कायमै रहेको बताउँदै ‘निर्वाचन गराउने सरकारको मनशाय नरहेको कारण’ सो विधेयक ल्याइएको आरोप लगाए ।

याे पनि पढ्नुस  एमालेले महासचिव पोखरेललाई बनायो शक्ति प्रदर्शनका कमाण्डर

महासचिव पोखरेलले यदि सरकारले निर्वाचन गराउन खोजेको छ भने संविधान संशोधन विधेयक फिर्ता लिनुपर्छ वा स्थगन गरी निर्वाचनका लागि आवश्यक कानुन निर्माणतर्फ अग्रसर हुनुपर्ने बताए ।

उनले भने–“संविधान निर्माणको बेलामा जसरी प्रमुख तीन दलबीच एकता थियो सोहीअनुरुपको एकता संविधान कार्यान्वयनका लागि पनि हुनुपर्छ ।”

याे पनि पढ्नुस  सोमबार बस्ने संसद बैठकमा मुठभेडको ‘मुड’मा एमाले !

स्थानीय निकाय पुनःसंरचना आयोगले बुझाएको प्रतिवेदनकै आधारमा स्थानीय तहको निर्वाचन हुनुपर्नेमा उनको जोड थियो ।

कमेन्ट गर्नुहोस्