कास्कीमा आठ हजार २६ जनाबाट स्वास्थ्य बिमा दर्ता

पोखरा, माघ १० । कास्कीमा आजसम्म आठ हजार २६ जनाले स्वास्थ्य बिमा दर्ता गरेका छन् । नेपाल सरकार सामाजिक स्वास्थ्य सुरक्षा विकास समितिले गत पुस महिनाको १२ गतेदेखि स्वास्थ्य बिमा सेवा सुरु गरेको थियो ।

दर्ता भएका मानिसको नाम कम्प्युटरमा राख्ने र तोकिएका अस्पतालमा २८ वटा उपचार सेवाका लागि सिफारिस गर्ने काम भइरहेको समितिका प्रबन्धक भगवान रेग्मीले जानकारी दिए । उनका अनुसार यो दर्ता प्रक्रिया जिल्लामा निरन्तर चलिरहने छ । ११० जना दर्ता सहयोगी जिल्लाका दुई नगरपालिका र ३२ गाविसमा खटिएका छन् ।

याे पनि पढ्नुस  दलित १२ परिवारको निःशुल्क स्वास्थ्य बीमा

चालु आव २०७३/७४ मा कास्कीलगायत २२ जिल्लामा सो सेवा सुरु गरिएको समितिले जनाएको छ । ग्रामीण क्षेत्रमा खटिने एकजना दर्ता सहयोगीले एक हजार घर परिवारको र नगरपालिकामा खटिने एकजना दर्ता सहयोगीले एक हजार ५०० घरपरिवारको दर्ता गर्ने गरी तोकिएको छ ।

याे पनि पढ्नुस  दलित १२ परिवारको निःशुल्क स्वास्थ्य बीमा

पाँचजनाको परिवार भएको एक घरका लागि रु दुई हजार ५०० र पाँच जनाभन्दा बढी परिवार भएको घरमा प्रतिव्यक्ति रु ४२५ थप दस्तुर लिई दर्ता गरिने छ ।

स्वास्थ्य बिमा गरेको व्यक्ति बिरामी परेमा रु ५० हजारसम्मको स्वास्थ्य सेवा पाउने र पाँच जनाभन्दा बढी व्यक्ति भएको घरपरिवारको व्यक्ति बिरामी परेमा रु ५० हजारभन्दा माथि प्रतिव्यक्ति रु १० हजारका दरले सुविधा थपिँदै जाने प्रबन्धक रेग्मीले बताए।

याे पनि पढ्नुस  दलित १२ परिवारको निःशुल्क स्वास्थ्य बीमा

कमेन्ट गर्नुहोस्