भक्तपुर अस्पतालमा नाक, कान, घाँटी सेवा सुरु

भक्तपुर, माघ १०। भक्तपुर अस्पतालमा दैनिकरुपमा नाक, कान, घाँटी विशेषज्ञ सेवा सुरु भएको छ ।

यसको दरबन्दी रहेपनि डाक्टरको नआउँदा धेरै वर्षदेखि सुरु हुन नसकेको यो सेवामा डा.रविभूषण सुवाल आएपछि यो सेवा सुरु भएको हो ।

अस्पतालमा नाक, कान, घाँटीबाहेक अहिले हाडजोर्नी सेवा पनि दैनिक सुरु भएको छ । यसअघि प्राइभेट (इएचएस) रुपमा त्यहाँं हाडजोर्नीे सेवा सञ्चालनमा थियो ।

याे पनि पढ्नुस  भक्तपुर अस्पतालमा नयाँ सेवा विस्तार

अस्पतालमा सघन उपचार कक्ष (आइसियु) सेवाका लागि सामान खरिद भइसकेको र निकट भविष्यमै सेवा सञ्चालनको तयारी गरिएको अस्पतालका मेडिकल सुपरिटेन्डेन्ट डा.हरिकुमार केसीले बताए ।

वीर अस्पतालपछि देशकै दोस्रो पुरानो अस्पतालका रुपमा रहेको यो अस्पतालले सेवाहरु विस्तार गर्दै लगेको छ ।

कमेन्ट गर्नुहोस्