सरकारी संस्थानहरूलाई भर्तीकेन्द्र बनाएकोमा सँचारमन्त्रीको आपत्ति

काठमाडौँ, १७ माघ । सूचना तथा सञ्चारमन्त्री सुरेन्द्रकुमार कार्कीले सरकारी संस्थानको प्रभावकारी सञ्चालनका लागि राजनीतिक दलगत भर्तीकेन्द्र हुन नहुने बताउनुभएको छ ।

राष्ट्रिय समाचार समिति (रासस)का विभिन्न कर्मचारी युनियनको मागपत्र बुझ्दै उहाँले भन्नुभयो – “सरकारी संस्थानमा आफ्ना मान्छे नभई अनुभवी र दक्ष मान्छे नियुक्ति हुनसकेमा मात्र ती निकाय राम्रोसँग सञ्चालन हुनसक्छ ।”

याे पनि पढ्नुस  बाबुरामजी हिम्मत भए भ्रष्टाचारको प्रमाण देखाइदिनुस्- सुरेन्द्र कार्की, प्रवक्ता, नेपाल सरकार

सो अवसरमा ती कर्मचारी युनियनले राससमा रिक्त महाप्रबन्धक नियुक्ति गर्दा संस्थाभित्रकै ज्येष्ठताका आधारमा वरिष्ठतम् अधिकारीलाई जिम्मेवारी दिने परम्परालाई कायम राख्न माग गरेका छन् ।

सो मागबारे मन्त्री कार्कीले तोकिएको कानुनी मापदण्डका आधारमा अनुभवी र संस्था चलाउन सक्ने दक्ष व्यक्तिलाई नियुक्ति गर्न आफ्नो प्रयास हुने बताउनुभयो ।

याे पनि पढ्नुस  सञ्चारमन्त्री कार्की भन्छन्– ‘चुनाव हुन्छ ! भनेको समयमै तीनवटै चुनाव गरिन्छ’

रासस कर्मचारी सङ्घका अध्यक्ष मनोजकुमार लामिछाने, नेपाल राष्ट्रिय कर्मचारी सङ्गठनका अध्यक्ष प्रेमप्रसाद उपाध्याय र रासस कर्मचारी युनियनका अध्यक्ष कालिका खड्काले राससमा कार्यरत कर्मचारीको हस्ताक्षरसहितको मागपत्र मन्त्री कार्कीलाई बुझाउनुभयो । राससमा यही माघ ७ गतेदेखि महाप्रबन्धक पद रिक्त छ । रासस

याे पनि पढ्नुस  पत्रकारिताले सत्यको धरातल छाड्न हुँदैनः सञ्चारमन्त्री

कमेन्ट गर्नुहोस्