विप्लव माओवादी समर्थित विद्यार्थीले जलाए क्याम्पस प्रमुखको कुर्सी

दमक, फागुन ४ । स्वतन्त्र विद्यार्थी यूनियन (स्ववियु) चुनावविरुद्ध क्याम्पस प्रमुखको कार्यकक्षमा लगाइएको ताला फुटाएको भन्दै नेत्रविक्रम चन्द ‘विप्लव’ निकट अखिल क्रान्तिकारीका विद्यार्थीले बुधबार दमक बहुमुखी क्याम्पस प्रमुख उत्तम भट्टराईको कुर्सी जलाएका छन् ।

क्याम्पस प्रमुखको कुर्सी जलाउनेहरु फरार रहेकोले उनीहरुको खोजी भइरहेको इलाका प्रहरी कार्यालय दमकले जनाएको छ ।

याे पनि पढ्नुस  वडा कार्यालय नजिक बम विष्फोट

त्यसअघि बुधबार बिहान निर्धारित मितिमै स्ववियु चुनाव गराउन दबाब दिँदै विभिन्न पाँच विद्यार्थी संगठनले क्याम्पस प्रमुखको कार्यकक्षमा लगाइएको ताला फुटाएका थिए । नेपाल विद्यार्थी संघ, अखिल नेपाल स्वतन्त्र विद्यार्थी युनियन, अखिल क्रान्तिकारी, वैद्य निकट अखिल क्रान्तिकारी र नयाँ शक्ति निकट विद्यार्थी युनियनले ताला फुटाएका थिए ।

याे पनि पढ्नुस  विप्लवले भने–सप्तरी घटनाका दोषी एमाले र मोर्चा

यसअघि स्ववियु निर्वाचन पूर्ण समानुपाति प्रणालीमा गर्न माग राख्दै विप्लव निकट अखिल क्रान्तिकारी, समाजवादी विद्यार्थी फोरम, राष्ट्रिय प्रजातान्त्रिक विद्यार्थी संगठनलगायतका विद्यार्थीले ६ दिनअघि क्याम्पस प्रमुखको कार्यकक्षमा तालाबन्दी गरेका थिए ।

कमेन्ट गर्नुहोस्