चुनावमा सहमती जुटाउन कांग्रेस र मधेशी मोर्चासंग छलफल गर्दै प्रधानमन्त्री

काठमाडौं, फागुन १७ । प्रधानमन्त्री पुष्पकमल दाहाल प्रचण्डले स्थानीय तह चुनावमा राजनीतिक सहमती जुटाउन त्रिपक्षीय छलफल गर्ने भएका छन् । प्रमुख सत्ता साझेदार कांग्रेस सहित मधेशी मोर्चासंग मंगलबार संयुक्त छलफलको लागि प्रधानमन्त्रीले बैठक आह्वान गरेका हुन् ।

प्रधानमन्त्री प्रचण्डले सहमती जुटेका विषयमा तत्काल संशोधन गरेर निर्वाचनमा जाने र विवादित बिषयमा निर्वाचनपछि संशोधन गर्ने प्रस्ताव अघि सारेका छन् । बालुवाटारस्थित प्रधानमन्त्री निवासमा बिहान साढे १० बजेपछि बस्ने बैठकमा सोही प्रस्तावमा छलफल हुने बताइएको छ ।

याे पनि पढ्नुस  दल दर्ता गराउन मधेस केन्द्रित दलहरु कांग्रेस–एमाले भन्दा पनि पहिला

प्रधानमन्त्री प्रचण्डले सोमबार मोर्चाका शीर्ष नेतासंग सहमती जुटेका बिषयमा संशोधन गर्दै बैशाख ३१ का लागि घोषणा गरेको स्थानीय निर्वाचनमा सहभागि हुन आग्रह गरेका थिए । मधेशी मोर्चाका नेताले परिमार्जन सहित संशोधन प्रस्ताव पारित गरेर मात्र चुनावमा जान सकिने अडान दोहर्‍याउँदै आएका छन् ।

याे पनि पढ्नुस  सप्तरी घटनाका मृतकलाई दश लाख, घाइतेको खर्च सरकारले व्यहोर्ने

कमेन्ट गर्नुहोस्