ज्ञानेन्द्र र राष्ट्रपति भण्डारी एउटै मञ्चमा हुने कार्यक्रममा प्रधानमन्त्री नजाने

काठमाडौं, फागुन २४ । राष्ट्रपति बिद्यादेवी भण्डारी र पुर्बराजा ज्ञानेन्द्र शाह सहभागी हुने कार्यक्रममा प्रधानमन्त्री प्रचण्ड नजाने भएका छन् ।

नवलपरासीको देबचुली नगरपालिकामा निर्माण गरिएको शास्वत धामको उद्घाटन तथा धर्मसभामा प्रधानमन्त्रीलाई समेत निमन्त्रणा गरिएपनि पूर्वराजा सहभागी हुने भएपछि प्रधानमन्त्रीले भ्रमण रद्द गरेका हुन ।

धामको बिहान साढे नौ बजे राष्ट्रपति भण्डारीले उद्घाटन गरेकी छिन् । धामको उद्घाटनपछि हुने धर्मसभामा पुर्ब राजा शाह दिउँसो १ बजे बिशिष्ट अतिथिका रुपमा सहभागी हुने कार्यक्रम छ ।

पूर्व राजा समेत विशिष्ट अतिथी हुने कार्यक्रम थाहा पाएपछि प्रधानमन्त्रीले भ्रमण रोकेको श्रोतले बतायो ।

धामको उद्घाटन समारोहमा आर्ट अफ लिभिङका संस्थापक अध्यक्ष श्री श्री रबि शंकर सहित भारत, श्रीलंका, बंगलादेश लगायतका मुलुकबाट समेत सहभागी हुने चौधरी ग्रुपले जनाएको छ ।
१२ एकड क्षेत्रफलमा फैलिएको धाम बिश्व प्रसिद्ध खजुराहो शैलीमा निर्माण गरिएको छ ।

कमेन्ट गर्नुहोस्