परीक्षाको लागि केन्द्राध्यक्ष तोक्न जिल्ला शिक्षा कार्यालयलाई सकस

भोलिदेखि माध्यमिक शिक्षा परीक्षा सुरु, मोरङमा ६७ परीक्षा केन्द्र

विराटनगर, चैत्र २ । राजनीतिक भागबण्डा नमिलेपछि भोलि बिहीबारदेखि सुरु हुने माध्यमिक शिक्षा परीक्षाका लागि बुधबार मध्यान्हसम्म मोरङमा केन्द्राध्यक्ष तोक्न सकेको छैन । यसकारण परीक्षाको आवश्यक तयारी प्रभावित हुँदै गएको छ । मोरङमा हरेक वर्ष राजनीतिक भागबण्डाकै आधारमा परीक्षा केन्द्राध्यक्ष नियुक्त गर्ने परम्परा छ ।

मोरङमा ६७ परीक्षा केन्द्र तोकिएको छ । त्यसका लागि नेपाली कांग्रेस, एमाले, माओवादी केन्द्र र मधेसवादी दल निकट शिक्षक संघ संगठन र निजी विद्यालयहरुको संगठन प्याब्सन र एन प्याब्सनले भागबण्डामा केन्द्राध्यक्ष माग गरेपछि जिल्ला शिक्षा कार्यालयले परीक्षाको अघिल्लो दिनसम्म केन्द्राध्यक्ष तोक्न नसकेको हो ।

याे पनि पढ्नुस  एसइई परीक्षा यो पटक पनि केन्द्रबाटै हुने

जिल्ला शिक्षा कार्यालय स्रोतका अनुसार एमाले निकट शिक्षक संगठनले २४, कांग्रेस निकटले १९, माओवादी केन्द्र निकटले १४, मधेसी दल निकटले १० र प्याब्सन, एनप्याब्सनले ७ वटा केन्द्राध्यक्ष आफ्नो भागमा पर्नुपर्ने माग गरेपछि समस्या चुलिएको हो । स्रोतका अनुसार ६७ परीक्षा केन्द्रका लागि शिक्षक संघ संगठनले ७४ केन्द्राध्यक्ष माग गरेपछि समयमा नियुक्त गर्न नसकिएको हो ।

याे पनि पढ्नुस  चिलिमे जलविद्युत कम्पनीको खुला तथा आन्तरिक परीक्षा तालिका सार्वजनिक

केन्द्राध्यक्ष तोक्नका लागि अहिले बैठक भइरहेको जिल्ला शिक्षा अधिकारी देवेन्द्रराज खनालले बताए । ‘म अहिले केही बोल्दिनँ’ उनले भने, ‘केहीबेरमै केन्द्राध्यक्षको टुङ्गो लगाएर सम्बन्धित केन्द्रमा आजै पठाउने तयारी भइरहेको छ ।’

प्रत्यके केन्द्राध्यक्षले परीक्षा अवधीभरिमा करिब ९ हजार भत्ता पाउने व्यवस्था छ । आफूले भनेअनुसारको केन्द्राध्यक्ष भए उक्त परीक्षा केन्द्रमा आफू अनुकूल परीक्षा सञ्चालन गर्न सकिने भएका कारण केन्द्राध्यक्षमा भागबण्डाको लडाइँ हुने गरेको सम्बद्ध स्रोतको भनाइ छ ।

याे पनि पढ्नुस  सीटीईभिटीद्वारा प्रवेश परीक्षा स्थगित, अखिल क्रान्तिकारीले माग्यो पदाधिकारीको राजिनामा

मोरङमा यसपाली कूल २० हजार ७ सय ६ जना परीक्षार्थी सहभागी हुँदैछन् । त्यसमध्ये नियमिततर्फ १७ हजार ९ सय ८३, ग्रेड वृद्धितर्फ १ हजार ९ सय ५७ र एक्जामटेडतर्फ ७ सय ६६ परीक्षार्थी सहभागी हुँदैछन् ।

कमेन्ट गर्नुहोस्