मस्जिदमा बम विष्फोट, २२ को मृत्यु, ७० घाइते

चैत् १८ । पाकिस्तानको उत्तरपश्चिमी क्षेत्र पाराचिनारको एक मस्जिदमा आज भएको बम विष्फोटमा २२ जनाको ज्यान गएको छ भने अन्य ७० जनाभन्दा बढी घाइते भएका छन् । घाइतेमध्ये केहीकाे अवस्था गम्भिर रहेकाे बताइएकाे छ ।

सिया मस्जिदको पार्किङ स्थलमा रहेको कारमा राखिएको बम विस्फोट भएको पाकिस्तानी प्रहरीलाई उद्धृत गर्दै सिन्हवाले जनाएको छ ।

विस्फोटमा ज्यान गुमाउनेमा बालबालिका र महिला धेरै रहेको त्यस क्षेत्रका अधिकारीलाई उद्धृत गर्दे बिबिसीले जनाएको छ ।

विस्फोटबाट १५ वटा पसलमा क्षति पुगेको छ । विस्फोटका बेला मानिसहरु नमाज पढ्न मस्जिदमा गएका थिए ।

कमेन्ट गर्नुहोस्