उत्कृष्ट राष्ट्रपति कृषक पुरस्कार प्रदान

बाजुरा, चैत १९ । चालु आवमा कृषि क्षेत्रको उत्पादनमा योगदान पुर्याएबापत यहाँका तीन कृषक उत्कृष्ट राष्ट्रपति कृषक पुरस्कारबाट पुरस्कृत भएका छन् ।

उनीहरुलाई रु १० हजारका दरले सम्मान गरिएको जिल्ला कृषि विकास कार्यालय बाजुराले जनाएको छ । यस वर्ष आव ०७३÷०७४ का लागि बूढीगङ्गा नगरपालिका–६ का काशीराम पाध्याय, बडिमालिका नगरपालिका–२ का मदनराज पण्डित र छेडेदह गाउँपालिका–६ का दया नाथ शुक्रबार समापन भएको बृहत् कृषि तथा खाद्य मेलामा सम्मानित भएको जिल्ला कृषि विकास अधिकृत डा रामकृष्ण श्रेष्ठले बताउनुभयो ।

याे पनि पढ्नुस  कृषिबाटै मालामाल भए कार्की, एक हजारको लगानीबाट करोडपति

जिल्ला सदरमुकाम मार्तडीमा बिहीबारदेखि सुरु भएको मेलामा सहभागी एक सय ५४ कृषकमध्ये २१ जना अन्य कृषक पनि विभिन्न सात विधामा पुरस्कृत भएको जिल्ला कृषि विकास कार्यालयका मीनप्रसाद जैशीले बताउनुभयो । फलफूल, दलहन, मसला, आलु, तरकारी, खाद्यान्न र विविध बाली गरी सात विधामा उनीहरुलाई प्रतिस्पर्धा गराइएको थियो ।
सबैमा प्रथम, द्वितीय, तृतीय र सान्त्वना हुने कृषकलाई प्रमाणपत्रसहित क्रमशः रु एक हजार, रु सात सय, रु पाँच सय र रु तीन सय नगदसहित पुरस्कृत गरिएको थियो । सो अवसरमा एक सय २३ बालीका बीउ पनि सङ्कलन गरिएको थियो । रासस

याे पनि पढ्नुस  कृषकले पाए अलैँची सुकाउने आधुनिक भट्टी

कमेन्ट गर्नुहोस्