ट्युसन पढाउने बहानामा छात्रामाथि यौनशोषन

महोत्तरी, चैत २३ । महोत्तरीको गौशाला नगरपालिका बजारमा ट्युसन पढाउने बहानामा छात्रालाई यौनशोषण गर्दै आएको आरोपमा एक शिक्षकलाई प्रहरीले पक्राउ गरेको छ ।

पक्राउपर्नेमा स्थानीय श्री जनता माध्यमिक विद्यालयमा विगत तीन वर्षदेखि अंग्रेजी विषय पढाउँदै आएका शिक्षक गौशाला नगरपालिका–३ का ३८ वर्षीय रामदुलार साह सोनार रहेको इलाका प्रहरी कार्यालय गौशालाका प्रहरी निरीक्षक शम्भु पोखरेलले बताए ।

याे पनि पढ्नुस  चन्दको नियुक्त गलत भएको भन्दै सिलवाल पुगे अदालत

शिक्षक साहले यसै वर्ष एसइई दिएर बसिरहेकी एक १६ वर्षीया छात्रालाई मंगलबार ९हिजो० थप अध्ययन तयारी गराउने बहानामा गौशालाबजारस्थित आफ्नो डेरामा बोलाएर कोठाको झ्याल–ढोका बन्द गरी अनैतिक क्रियाकलाप गरिरहेको एक विद्यार्थीले देखेपछि प्रहरीलाई खबर गरेका थिए ।

छात्रालाई शिक्षकले यौनशोषण गरेको खबर पाउनासाथ इलाका प्रहरी कार्यालय गौशालाबाट प्रहरी निरीक्षक शम्भु पोखरेलको नेतृत्वमा गएको प्रहरी टोलीले बन्द गरेको कोठा खोल्न लगाइ सो छात्रालाई उद्धार गरेको थियो ।

याे पनि पढ्नुस  सुरु भयो प्रहरीमा बढुवा

छात्राको स्वास्थ्य जाँचका लागि जिल्ला अस्पताल जलेश्वरमा पठाएको प्रहरी निरीक्षक पोखरेलले बताए ।

पीडित छात्रालाई यसअघि पनि शिक्षक साहले पटक–पटक एक्लै बोलाएर ट्युसन पढाउने बहानामा यौनशोषण गरेको स्थानीयवासी बताउँछन् ।

बुधबार पीडित छात्राको परिवारजनबाट शिक्षक साहविरुद्ध इलाका प्रहरी कार्यालय गौशालामा उजुरी पनि परेको छ ।

याे पनि पढ्नुस  बैंक खाताका पासकोड ह्याक गरी करोडौं चोरी गर्ने पक्राउ

प्रहरीले शिक्षक साहलाई नियन्त्रणमा लिइ आवश्यक अनुसन्धान अगाडि बढाइसकेको जनाइएको छ ।

कमेन्ट गर्नुहोस्